السلامُ عليكم ورحمة الله وبركاتُه

كُل عام وكُل الأعضاء بخير وبعون الله السنة الجية زي النهاردة تكون كُل بنات المُنتدى إتجوزوا وإرتحنا مِنهُم ....

ندخل فى الموضُوع ، كُلنا حبينا ..وتقريباً كُلنا إتجرحنا بشكل أو بآخر ..وتقريباً برده كُلنا قدام مرايتنا ملايكة ومش غلطانين ولينا حق ...

بتمنى أسمع إجابة سُؤالى من جوة كل عضو لا إقتباس ولا نقل من أشعار ومواعظ ، عايز أشوف إجاباتكم عن تجاربكم وصلتوا لإيه

وياتري فى مُنكم مبقاش يعترف إن فى حاجة إسمها حُب أصلا ؟؟

بعض الأعضاء إحتمال يقول بينه وبين نفسه ( إيه السُؤال التافه ده )) ؟

صحيح هو سؤال سهل فى صياغته لكن أنا مُؤمن إنه صعب جِداً الإجابة عليه ..والإجابة اللى أقصدها هي الحقيقة (( الصراحة والجرأة مع الذات ))

أنا شخصياً جوايا معنى للحُب ومُدرك إنه صح بعض الشئ لكن اللى خلانى أسألكم السُؤال دا إني عشت بقلب ملاك وإتفاجئت إنه الزمن ده

مش بتاع الملايكة فـ بدأت أشك فى نظرتى للحُب وفـ مشاعرى وفـ إحساسي ..أنا صح ؟ ولا غلط ؟؟

أكيد كلنا بنحتار لكن معنديش غيركم أسأله

يعني إيه حُـب ؟؟