كفايه أشوفك فى الأحلام

[ابو اسامه]

********
أعمل أيه محتار فى هواك
ولا عارف أبدا أنساك
دنتى بدايتى .. وأنتى نهايتى
وكل حياتى وعمرى فداك
فرحتى بيكى يوم ماعرفتك
مش ممكن أعرف أوصفها
صوتك حب .. همسك حب
حنية قلبك أعرفها
سيبى الحلم أعيشه معاك
سيبى الدنيا تلعب بيه
ديمن بحلم يوم بلقاك
وبلحظه تفكرى فيه
حلم جميل لكن بصحى بلاقى سراب
ليل ورا ليل يمر عليه كله عذاب
أمتى نعيش أمتى نقول
أمتى نفكر فى المعقول
أمتى نصارح بعض ونحلف
أن الحب يدوم على طول
قولى بحبك .. قولى هفكر
قولى حتى أى كلام
أهمسى بيها أو خليها
حتى شويه لحد منام
وأرجع تانى وأحلم بيها
لكن بصحى بلاقى آلام
سيبى الدنيا تلعب بيه
وكفايه أشوفك فى الأحلام
كفايه أشوفك فى الأحلام .
مع تحيات / ابو أسامه

[اسامة22]

الله ينور ابو اسامة
كلام جميل واحساس عالي اوي
تسلم علي هذا الابداع الجميل

[ابو اسامه]

أخى الغالى : أسامه 22 ( مشرف القسم )
سعدت كثيرا بوجودك على صفحتى المتواضعه
وذادنى شرف ردك وثناؤك على كلماتى
وأن شاء الله نكون عند حسن الظن ونرتقى بهذا
الصرح ونجعله فى أعلى المستويات أن شاء الله .
شكرا أخى ودمت بخير .. أبو أسامه ...

[اميرة حبى انا]

جميلة الكلمات ومعبرة
بس ياريت تقولنا اذا كانت من كتاباتك الخاصة او منقولة
لانها لو من كتابات حضرتك الخاصة
اكيد لازم تنقل لقسم ابداعات الاعضاء
حتى لا يضيع حقك

[ابو اسامه]

سيدتى : أميره حبى أنا ( المديرة العامه )
تشرفت سيدتى بوجودك بين سطورى ..
فهنيئا لى بوجودكم .. فأنتم تمدون يد العون لنا
ليظهر كل ما نبوح به الى القراء ..
وأحب أن أقول سيدتى . أنا أكتب الشعر منذ حوالى
خمسة عشر عاما . وهذه الكلمات من تأليفى أنا وأن لفت
نظرى بعض الكلمات لأى شاعر أكتبها كما هى وأكتب عليها
منقول وذلك لأمانة المهنة .. فأنا أعلم جيدا واجب المهنة .
وأن شاء الله سنسعدكم بما كتبنا .. ففى جعبتنا الكثير أن شاء الله
شكرا لمرورك الذى عطر صفحتى .. أبو أسامه ...