هناك نظريه اسمها مالكشى دعوه خليك فى حالك
ياراجل خليك فى حالك مالكشى دعوه
الحق الراجل ده حقه بيضيع وانت مالك خليك فى حالك مالكشى دعوه
الحق فى واحد بيتسرق خليك فى حالح مالكش دعوه
الحق فيه واحده بتتخطف خليك فى حالك مالكشى دعوه
انها نظريه خليك فى حالك مالكشى دعوه
من حوالى كام اسبوع كنت واقفه عند بتاع العصير القصب قولت اشرب كوبايه على الماشى اصل اختكم بتموت فى عصير القصب :biggrin2:بتلفت كده بعينيه لاقيت واحد حاطت ايده فى جيب راجل وبيسرقه اتخشبت مكانى وقولت لصاحب المعصره وراجل تانى كان واقف الحقوا الراجل بيتسرق الحرامى أهو ردوا عليا بكل برود ( وانحنا مالنا خلينا فى حالنا احسن )
مره فى الشغل لاقيت واحده زميلتى حقها ضايع وهى غلبانه مش عارفه ترجعه وانتم عارفين بأه ان انا شريره :birgits_giggle:قولت ارجع حقها المسلوب صاحبى زعقوا وقالولى ( وانتى مالك خليكى فى حالك )
* من فتره كدا كنت فى الشغل وقعت طالبه أمامى اغم عليها لحقتها وروحت معاها المستشفى من غير ما أستاذن من المدير بعد مار رجعت المدير اعد يزعق كبرت دماغى وسبته قاموا العيال قالولى وانتى ( مالك ايه دخلك مالكيش دعوه هو انتى تعرفيها كتك وكسه :biggrin2
* عندنا فى الشغل بيعيدوا علينا فى العيد يعنى بيصروفا لينا 60 جنيه منحه وهى بصراحه محنه مش منحه اصل الواحد بيحترا هيشترى ايه ولا ايه دول 60 جنيه حاجه جامده هههههه:biggrin2:
_ اصدقكم حديثا اول ما مسك رئيس جامعه جديد قولت اروح اسلم وبارك وقوله يزود 60 جنيه دول شوايا واول مارروحت وسلمت عليه قولتله ( ممكن اقولك حاجه ) قالى قولى راح الامين العام زغرلى بعينه هو والمدير قولت فى نفسى والله لاقول ةايع يعنى يعنى هيشنقنى المهم قولتله يا ريس بقالنا سنسن على كدا هما 60 جنيه دول مش هيزيدا شوايا رد الراجل وقالى انت متثبته ولا عقد قولتله متثبته بس من بتوع الحد الادنى هههههههههه:haha:ضحك اراجل وسكت
وبعد ما نزلت خود عندك من المدير انت اتجننتى تكلمى رئيس الجامعه ازاى كده
والغريب فى الموضوع ان بعدها فعلا زادت المنحه الى 100 جنيه والناس فرحت اوى والله
يبقى كويس الكلام جاب نتيجه والحمد لله طب ما نجرب
والسؤال
** ليه امريكا دخلت العراق
عشان العرب بيقولوا ملناش دعوه
**ليه اسرائيل محتله فلسطسن
عشان العرب ملهمش دعوه
فى مثل بيقول من تدخل فى ما لايعنيه سمع مالايرضيه
بس ازاى
1- هو اللى حقه بيتاخد وانت قادر ترجعه ليه يبقى ميهمكش
2- هو الراجل اللى اتسرق ويمكن معهوش يجيب أكل لعياله يبقى مش يهمك
3- هو لما اللدنيا تغلى عليا وعليك على غيرك يبقى ميهمكش
4- هو لما الامريكتن يقتلوا فى المسلمين فى العراق وينتهكوا حرماتهم يبقى ميهمكش
5- هو لما اسرائيل بتقتل فى ولادنا فى فلسطين وشبابنا والشيوخ والنساء يبقى ميهمكش
انا بسألكم انت فعلا مالكشى دعوه
ولا هتقولى
( مالكيش دعوه خليكى فى حالك )
الاجر على الله