سلامو عليكوا
انا جديده هنا في المنتدي اول حاجه انزلها
عاوزه اعرف رأيكوا فيها
انا هكتبلكوا جزء منها بس لو عجبتكوا هكمل
ماعجبتكوش خلاص مش هكمل


اول حاجه هكتب فيها النهارده ... مفيش حاجه في دماغي بصراحه بس انا قولت هكتب يعني هكتب ده قرار


بس ايه مضايقني بلاش انا ايه اللي مضايقك انتي...


التعليم مثلا حوار قديم & النظافه مش عاوزه اتكلم فيها


ايه رأيك مثلا في الناس اللى حوالينا الناس بقت مستفزه اوي مش بقول ان انا ملاك بس بجد الناس


تصرفتها بقت تجيب شلل ليه الواحد مثلا تبقي ماشيه في الشارع لا بيكي ولا عليكي


تلاقي واحد اتبرع من نفسه كده انه يقولك نصيحه لوجه الله:ranting_w:


مثلا ان البنطلون ضيق شويه او التونك اللي انتي لابساه قصير حبتين او انك شكلك احلي من غير نضاره الشمس


او انك قد ايه موزه او انك زي القمر بجد:wacko:


بجد هو انسان برئ خالص كل اللي في نيتوا انه يقول رأيوا لحضرتك ولازم تحترمي رأي الناس اللي حواليكي


لو حتي الرأي ده مش عاجبك ده بني ادم بردوا وفي حاجه اسمها حريه التعبير


الله بقي لو انتي فكرتي تردي علي الانسان ابو نيه صافيه ده وتقوليلوا انتي كمان رأيك في حضرته


وان هو انسان قليل الادب تبقي في الحاله دي بنت مش محترمه وعاوزاه يطول لسانه عليكي:ranting:


مش من حقك علي فكره تقولي رأيك في حد بس من حقه هو انه يجيبك من فوق لتحت ويقولكـ


اذا كان فيه حاجه فيكي ممكن يعمل عليها تعليق سخيف او مفيش


لما بشوف فيلم اجنبي بحب اوي منظر الناس وهما ماشيين في الشارع كل واحد ماشي في حاله


مالهوش دعوه بحد نفسي نبقي كده


ايه تاني مضايقني من الناس هي حاجات كتير اوي هتجيبلي شلل بس مش عاوزه اظلم حد


اه افتكرت عارف انت الناس اللي كل يوم برأي دول يعني مثلا انا بقعد انا وصحبتي وواحده عارفنها كويس


وعارفين كمان انها انسانه كويسه وعملت حاجه وحشه الاقي صحبتي قامت نطط وقفت وقالت ايه ده معقوله


ايه ده مش هنكلمها تاني حتي ما فكرتش تروح تكلمها بس فكرت تروح تكلم واحده صحبتنا تانيه:doh:


وتقولها علي اللي حصل عشان تاخد بالها من البنت دي


وبعد كام يوم لو البنت دي عملت معاها موقف حلو ترجع تموت فيها مع انها من اسبوع بس كانت


مش طايقه تبص في وشها طيب ما الاحسن اكلمها وافهم منها اللي حصل مش معقول


ابني علاقتي مع الناس علي موقف وحش او حلو هما عملوه معايا المفروض علاقتي مع الناس تبقي مبنيه علي


حاجات كتير زيي مواقف كتير جمعتنا وطلعوا ناس كويسه او طريقه تفكيرهم واسلوبهم في التعامل


ده اللي بيخليني لما يعملوا حاجه وحشه اروح اكلمهم واقولهم ليه وازاي وعشان ايه


مش النهارده تبقي روح قلبي وبكره تبقي مش طايقه اتكلم معاها حاجه مستفزه اوي علي فكره:49:


في حاجاه كمان غيره البنات اه من غيره البنات بيبقوا صحاب وبيعزوا بعض جدا (مش تريقه دي علي فكره بيبقوا بيحبوا بعض جدا وصحاب من زمان ) بس بتبقي غيره البنات بينهم فتلاقي مثلا واحده لابسه حاجه حلوه


ومخليها اموره تروح صحبتها قايلالها لاء شكلها وحش عليكي لاء بلاش تلبسيها تاني


وكل واحده بتحاول تحول صحابها لنسخه منها في كل حاجه عشان ماتبقاش واحده متميزه في حاجه عن الباقي


يعني مثلا تقولك وماله لما يحبكـ وتحبيه هو الحب عيب ولما حد يروح يقولها انا بحبكـ تقوله انا ماليش


في الحوارات دي انا اسفه ما تكلمنيش تاني سبحان الله دي كانت لسه مدياها نصيحه جامده


انكـ لازم تحبي وتعيشي حياتكـ بس هي عشان خايفه عليكي مش مهم عندها نفسها ومش مهم الناس هتقول


عليكي ايه ومش مهم كمان ان النصيحه دي مش هي طريقه تفكيرها وهي مقتنعه ان الحوارات دي


حوارات فارغه بس اهم حاجه بتفكر فيها ان لما حد يجي يفكر في عروسه هيقول عليها هي المؤدبه مش انتي:34:


في حاجه تانيه بيعلمها الشباب غيظاني اوي تلاقيه مقضي سنين الكليه كلها بيحب علي نفسه كل يوم مع واحده


يرسموا شويه اوهام قصدي احلام مع بعض ولما يتخرج بقي يبدأ يدور علي بنت الحلال اللي هتتجوزوا


غير كل اللي عرفهم كأن هي لما حبتوا عملت حاجه عيب تستحق انه هو يشلها من قايمة البنات


اللي ممكن يروح يتقدملهم ليه مادام حبتها وعرفتها كويس ما تلم نفسكـ وتربتط بيها في الاخر:ranting:


ولا كنت بتتسلي هما البنات بقوا تسليه وبعدين النس هيقولوا البنت هي اللي غلطانه هو ولد مفيش حاجه


لما يعمل كده بجد هيجننوني والمفروض يعني انه واخد تصريح انه يضحك علي بنات الناس


ويقعد يقولها انا بحبكـ وبموت فيكي وحياتي بتبقي مهببه من غيركـ وكل الكلام الفكسان ده


وهي مش من حقها تعبر عن مشاعرها عشان عيب هي بنت هو دينا قال كده


فعلا انا بستغرب مفيش أيه او حديث شريف بيقول ان الولد المفروض يعمل كده


ومفيش ناس بتفكر بعقلها مش معتمده على شويه افكار متخلفه تقول ان البنت بس هي اللي غلطانه:ranting_w:


خلاص كفايه كلام في الموضوع ده عشان بيغظني وبيرفع الظغط عندي بجد


وانا لسه فيه حاجات عاوزه اقولها ولا زهقتوا مني لو زهقتوا قولوا



يلا مستنيه رأيكم عشان اعرف اكمل ولا لاء




منقـــول