آنستي العزيزة..
لو ربنا فك عقدتك يعني ......... واتخطبتي.. :22

فياريت تعملي بالنصائح دي عشان الدبله تروح ايدك الشمال بدل ما تروح خالص وتبقي مصيبه
عاوزين نشنكل امه ونخلص. :شد

وينتقل إلى مثوااااه الأخير في قفص النسانيس...... قصدي قفص الزوجية السعيد.. :22


أجمل ما في الخطوبة العزومات الرومانسية:هئ

على أحلى محلات أكل ف البلد..... واللي عمرك مانتي شايفاها بعد الجواز..:حح

المهم نصائحي لك عند أي عزومة مع ختيبك......كلنا رقَّه بقي .... :ف


1 - الأول لازم تعرفي إن الشوكة والسكينة بيتمسكوا من إيديهم من الطرف يعني مش م الوسط ولا م البوز زي الخنجر ولا من فوق طبعًااا :22


2 - العيش أوعي تفضحينا وتقطعيه بسنانك.... ولا الرغيف نصين بأيدك وكل نص لقمة وتحشري أوعي..... العيش بيتقطع بالسكينة ف الطبق...
وبعدين تاخدي لقمة..... لقمة..... بالعافية...... قال يعني نفسك مسدودة اضغطي على أعصابك جدااا وبعدين لما تروَّحي..... إبقي حِفِّي زي مانتِ عايزه.... :22 :ياتي

3- الشوووربة..... أبوس كعب رجلك..... بند الشوربة ده مهم جدًاااا..
الشوربة تتشرب من غير صوت خالص...... ومن غير ماتقعدي تنفخي فيها..
زي القهوجي اللي بينفخ ف الحجر للزبون :22
وطبعًاااااا عايزك تنسى تمامًا..... السلطانية اللي بتقيميها على بقك ف البيت....
وتدلدقي على روحك.. :22
بالمعلقه وبدون صوت..... سخنة ولعة برضه بدون صوت.... وتسيبي تلت الطبق ع الأقل..... مش تميليه..... عشان تلهطيها لآخر نقطة..... ههههههههههههه


4- الرز طبعاً .... بيتاكل بالشوكة..... أوعي إيدك تتمد ع المعلقة..... وتغرفي من طبق الرز وتعبي.... إوعي..... الرز بالشوكة..... وكأنك بتبوسيه مش بتاكليه.. :22


5- المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود.. ههههههههههههههههههههههههههههههههههه

6- السمك..... مشكلة..... شوفي..... بتفصلي اللحم عن الشوك..... إزاي..؟؟؟؟؟؟؟؟
تقطعي اللحم من النص.... بالطول وبعدين تفردي اللحم ع الجانبين ولما تخلصي ناحية.. متقلبيش السمكة..... بلاش فلح..... شيلي السلسلة
بالشوكة والسكينة وحطيها ف جنب الطبق وكملي أكل النص التاني..... وبدل الفيلم الهندي ده..... نصيحة..... ماتكليش السمك خالص..... قولي مابحبش السمك وخلصي نفسك.. :22 :ياتي :22

7- الجمبري.... (إذا كنتي عارفاه)..... أول ما طبق الجمبري ينزل..
بصيله بقرف واحتقار شديدين..... آل يعني زهقانة من كتر أكل الجمبري الجامبو ف بيت بابااااا..
وأتنهدي جامد وقولي.... برضه...؟؟؟ وتروحي قاطعة راس الجمبريي....... بالشوكة.... أنا ف عرضك إنسي المصمصة دلوقت.. :22

8- البطاطس سواء مسلوقة أو محمرة..... أوعي تهرسيها وتدبيها ع الرز وتدي
.....لا....لآ.....لآ....بالشوكة حتة حتة وإنت زي ما تكوني
هاتعيطي من كتر ما البطاطس صعبانة عليكي.. :22 :22 :حح

9- الفاكهة.... لو الفاكهة فيها بذر.... طلعيه من بؤك بالراحه ... وحطيه ف إيدك وهي مقفولة..
وبعدين ف طفايه السجاير اللي ع الترابيزه.. :22
أوعي ياحبيبتي من نظام التفتفة للبذر.... إنسي.... :22 تفضــحيــنا :22

10- ولما تخلصي أكل تحطي إيدك على بطنك...
(اللي عصافيرها بتصوصو من العينات اللي كلتيها).. :22
وتقولي له مش ممكن.... أنا عمري ما اتفجعت كدة....
أنا أودامي أسبوع.... هابطل أكل فيه..... وبعدين تمسكي الفوطة اللي دايمًا موجودة ع التربيزة من غير لازمة..
وتبوسيها.... آل يعني بتمسحي بؤك..
وبعدين تستأذني منه لدخول التوليت لإصلاح ماكياجك وتخشي التواليت وتطلعي من شنطة إيديك..
لفة الفول والطعمية اللي جايباها معاكي
وبالهنا والشفااااااااااااا

ههههههههه
وزي ما قلت انا بهزززززززززززززززززر
يعني اوعوا حد يتغابي او يمد ايده

Ma7she :ب




منقـــول


...