- هنبتـدي بأهــم قســم ،، (
قبل النـوم )
-
1-
تجـنب المنبـهات ( الشــاي ، القــهوة ، الشوكلاته ، الكـاكاو ،،، الـخ )
عـَشان تصحـَى فايـق الـصبح ، لازم تنـام كويـس ، واكــتر حـاجة ممكـن تقلق المـنام هو ان تـكون معدتـك مش مِـرتَاحة ، فـلازم تخلي معدتـك سعــيدة ومرتـاحة قبـل الـنوم ،، ثبــت علمـا ان مفيــش حاجة تزعـج النوم زي الشوكلاته والقهـوة والمنبـهات عـامة ،، ده هيـخليك تبـقى نايـم قلقـان وكل شويـة تصحـى وكمــان يخلـي نومـك خـفيف اوي ،، وبالطريقـة دي عمـر ما جســمك حياخـد حقـه ومش هيشحـن :ط ،، فيـاريت بالليـل محـدش يزعـج معدته بالحـاجات دي ،، ولسـه الصـين ماصدرتلنـاش معـدات صيــني ،، فحافـظ على صـحتك ،،
2-
خليـك سعيــد ونـام بعـد حل خلافاتـك مع شريـكك في البيـت
والكلام ده عـامةً ،، ونــظراً ان مفيـش جواز والشـباب بيكحـو تـراب :# ،، فالكـلام ده يـشمل ابـوك وامـك ،، ومحـدش يقـولي مفيـش مشـاكل بتحصـل معـاهم ،، حـاول على قـد ماتقـدر تتجنـب اي مشــاكل ولو حـاجة حصلـت حاول تحلـها وتخلـص كل حاجة ،، ومتجيــش تنـام وانت زعـلان ومتـنكد عليك وتبات تهـري وتنـكت في نفسـك :ء ،، يعــني لازم تبقى سعــيد قبـل ما تـنام وبالذات الشبــاب بلاش ينامـو وهم متضايقيـن عشان الـمواضيع ( اكيـد فاهمينني :شرير ) ،،
3-
هــدي نفســك ،، صلـي و تــأمل ،، قبـل ما تـنام
خليــها قـاعدة في حـياتـك ،، مفـيش حـاجة هتريـح بالـك وقلـبك قد الصـلاة ،، قبل ما تـنام اتوضى وصلــي واعتبـروها حتى تماريـن قبل النـوم وده برضو هيخليكو تصلو طول اليوم لو انتو مبتصلوش ،، وعلى الأقـل عشـان ربـنا يحفظـكو بالليـل ،،
تــاني حـاجة ،، متشغلـش بالك وتنام قلقـان وبتفـكر ،، اللي حصل في المـاضي حصل وخلاص ،، والمستقبـل مكتـوب ومش هيتغير الا بالدعـاء والعمـل الصـالح ( يَمْحُوا اللَّهُ مَا يَشَـاءُ ويُثبتُ ) ،، فهدي نفسـك ونـام ،، وياريت قبل ما تنـام تقعد مربع رجلـك وانت فارد ضهرك زي اليوجا كده ،، وتتنفس بعمق ،، بس ركز مع نفسك واسمع صوتـه وحس بالهواء داخل جواك وبيخـرك وده اسمه التأمل ( بس طبعا بمعنى ضيـق :88 ) ،،
وطبعـا ماتنسـوش تقولوا قبـل ما تنـامو " بإسمك اللهم اضـع جنـبي ، وبإسمك اللهم ارفـعه ، ان امـسكت روحـي فأرحمهـا ، وان ارسلتـها ; فأحفـظها بما تحفـظ به عبادك الصالـحين "
وبعديها تقرو آية الكرسي والمعوذتين ،، وبعد كده تتشاهدوا ( أشهد ان لا اله الا الله وحـده لا شريك له ،، واشهد ان سيدنا ونبينا محمد صلى الله عليه وسلم عبده ورسولـه ).
4-
الـأكل قـبل النــوم
أكـبر غلـط انـك تـاكل وتنـام على طول ، لازم تـاخد مش اقل من ساعـة قبل ماتنـام ، لأن عمليـة الهضـم بتـاخد وقـت طويـل ، وعشان ماتقلقش وانت نايـم وممكـن تحلـم بحاجات غريـبة ويقولولك ابقى اتغطى كويس :ط ،،
5-
انت مرتبتـش أوضتـك ليــه ؟؟؟
عشـان تـنام كويـس ، لازم ترتب أوضتك وتروقـها بدل المزبـلة اللي انت قـاعد فيـها دي ، بص كـده حواليــك ، بذمتك ده منظر :&؟؟ ،، وفيه بقـى حـاجات مهمة اوي قالـها واحد اسـمه Feng Shui اكـيد يعـني صيني ،، والله حاسس اني مرة هقوم من النوم هلاقي نفسي في الصيـن وامي بتقوللي نـي هـاو :عو ،،
عم فونج شي ده بيقول ايه ،، بيقوللك ترتيب اوضك هو اللي بيرسملـك نومك واحلامك وحاجات تانية مهمة اوي ،، هقوللكو على اهم حاجات لقيـها وكلنـا بنغلط فيها ،،
1- ماتحطش مرايـة قدامـك وانـت نايـم !! ،، طب ليـه ياعم فونج شي ،، قاللك لأن فيه سببين يمكن ان يكونو حقيقة ام لا ، اول سبب ان أثنـاء النـوم الروح بتطلـع من الجسـد ، فلما بتطلع وتشـوف نفسها في المرايـة بتتخض وتتـرعب وده ممكن يسببلـك احلام مزعـجة اوي ،، وتـاني سبب ان الجسـم بيخرج طاقات سالبـه مضـرة بالجسـم ، فلما بتصتدم في المراية بترتد ليك تـاني ،، واحنا المصريين مانتوصاش دايما ما شاء الله عندنا مرايات في كل شبر في البيت ،،
2- حط ورد طبيـعي في الأوضـة ، بس تسقيه الصبـح بس ، وخليه بعيـد عن السريـر شويـة وياريـت ميبقاش مندي بالليـل ،،
3- ماتنامش ورجلـك بإتجاه الباب ،، ده اسمو وضع النعـش او التـابوت ،، بيتهيألي المعنى واضح !!
4- نـام على سريـرك ،، وماتنامش في الصـالة ،، او في اي مكان فيه اكتر من بـاب ،،
5- لون الأوضة ياريـت يتماشـى مع العفـش اللي فيـه ،، وبلاش الألوان الفاقعة او الـغامقة اوي ،، وبلاش انا اتكلم على الوان اوض النوم بتاعة المصريــين :؟،،
6- نضف اوضتك وشيل التراب من تحت السرير وورا الباب ،، من رأيي ان ده شئ جميل لأنك مش عاوز عنكبوت كبير ولا العتة تمشي عليك وانت نايـم ،،
وده موقع عم فـونج شي للي عـاوز يعـرف اكتـر
http://www.fengshuiweb.co.uk/advice/bedroom.htm
6-
روح الحـمام
كنا زمـان بيتـقال لنا قبـل ما ننـام ،، خـش الحـمام الأول ،، وحتى لو انت مش عاوز تخش الحـمام ،، معلش تعالى على نفسـك وروح وحتى لو مكنتش شاعر بده وحاول تخرج اي حاجة باقية منك ،، لأن الكلية ونظام الهضم بيفضلو شغاليـن طول الليل ،، وكونك تقوم من النوم عشان حاجة زي دي ،، بجد هتأثـر عليك صحيـا وهتتعب لأن غلط انك تقوم من النوم كده لسبب مفاجـئ ،،
- نخـش بقى على تـاني قسـم ،، (
أثنـاء النـوم )
-
1-
درجـة الحـرارة
ماتشغلـش المروحة وتنـام عريـان ، وماتكلفتش نفسـك وتطفي المروحـة ، يعني خلي درجـة الحـرارة متوازنـة ،، وأهم حاجة ،،، بلاش تكيييييف لأنه بجد بيـقتل ،،
2-
خلي الشبـاك دايـماً مفتـوح
لازم تخلـي الشبـاك مفتوح وانت نايـم ،، وده مش عشـان الحرامي يخـش ،، بل عشـان ده بيخرج ثاني اكسـيد الكربـون السـام يخرج لأن الأوضة بتبقـى متعبقة بالغـاز ده وطبـعا غازات تانية مفيش داعي لذكرها :عع ، والسبب التاني عشـان يدخلك اكسجين ،، فانت لما تعمل كده هتلاقي ثاني اكسيـد الكربـون خرج والتليفيزيون خرج والتلاجة خرجت وكلو خرج :ش.
3-
مين اللي قال 8 سـاعات ؟؟
مفيش حاجة اسـمها لازم تنـام 8 سـاعات في اليـوم ،، الانسـان الطبيعي بيـنام من 6 الى 7 سـاعات ،، ولازمـ تظبـط سـاعات نومـك ،، انسى اللي في التليفيزيون وسيبك من الفيسبوك والنت وروح نـام ،، حوالي الساعة 11 كـده اظبط المنبة على الساعة 6 الصـبح ،، والله هتقـوم نشيـط وزي الفل ،، بس ياريـت بجد تظبطو الأول على السـاعة 3 وتـقوم تصلي قيـام الليل ،، بغض النظر عن فوائده الصحية ،، كفايـة ان الدعـاء فيه لا يـرد وكفاية شكلـك عند ربـنا وانت قايـم من النـوم مخصوص عشـان تعبـده وتصلي على رسولـه ،،
4-
الدوشة والصوت العالي بيقصر العمر
دي حقيقة علمية ومش كلامي ان الصوت العـالي والدوشـة بالليـل ،، بيخليك مش عارف تنـام وكل شويـة تـقوم وده شـئ متعـب جدا لجسـمك وخصوصـاً " قلـبك " ، فيـاريت لو فيـه صوت عالي حط سدادات ودن ، بس تكون نضيفة وغالية عشان كل مالجودة تكون احسن كل ما بقى افضـل ،،
5-
لو حلمـت بكـابوس
اولا استـحالة تحلمو بأي كـابوس لو عملتو اللي قلت عليه في الفقـرة رقـم 3 والفقرة رقم 3 قبل النوم ،، بس لو حصل وده احتـمال 1% ، قوم تف على شمالك 3 مرات زي النبي عليه الصلاة والسـلام واستعيذ بالله من الشيطان ونـام على جنبك اليـمين ،، فالنوم على الجنب اليمين هو سنة ،، وثبت علميا انه مفيد حيث ان الأعضاء الأكبر في الجسم هي في الجـانب الشـمال ،، عشان كده احنا مش بنتقـل عليها وبننام على الجانب التاني ،،
- آخر قســم ،، (
بعد النـوم )
-
1-
اشـرب كوبـاية مية
وده بجـد مفيد جـدا بحيث انه بيـحرك الأمـعاء ،، وللنـاس اللي بيحسـو بميـل للقئ بعد الصحيان ،، وهيفوقك ويخليك تصحى بسرعـة ،،
2-
التـمريــنات
ومن غير تريقة وسيبك من اي حد يتتريق عليك لما يشـوفك ،، بس بعد كده لما تكبر وتبقى لسة بصحتك هو اللي هيتحسـر انه معملــش زيك ،، اول ماتصحى اقف وشم هوا الصبح ، طبعا هوا الساعة 6 ده ملوش حل ،، واتوضى وصلي الصبح ،، واعمل شوية سويدي على 5 ضغط على تمرينات صباحية ،، والبس اي حاجة وانزل اتمشى شوية او هات فطار ،، وعلى فكرة كل ده مش مفيد بس لليوم ده ، بل انه كمان مفيد لليوم اللي بعده ،،
3-
ماتـشربش القهـوة دي
ماتعودش نفسك عليــها وسيبك من الإعلانـات المتخلفة بتـاعة نيســكافيه وصحصح ومش صحصح ، دي عالم متخلفه وعاوزين يبيعو وخلاص ، واحنا طبعا سيد من يقلد الإعلانات ، تعيش بقى الدور وفي المج الأحمر وتحط النيسكافيه وتشرب كأنك في الإعلان وبعديها قال ايه يعني الواد فاق :77 ،، ياريت نستبدلها بكوباية عصير لمون او برتقال مع سندوتشين كده حلوين دول بجد اللي يفوقو ويمشو الدورة الدموية في الجسم ،، مش نيسكافيـه وقهـوة ومعدتـك الغلبانـه صابـرة ومسـتحملة القرف ده :س ،،
4-
اتـــــنـــــفـــــســــــ
أول ماتصحـى من النـوم خد نفس عميــق وهــادي املى بيه معدتك ودمك ورئتك ، كأنك دخلت اوضة بقالك يوم مدخلتهاش فبتنفض التراب وتدخل هـوا فيها ،،
5-
حــب يــومك واصحـى لهـدف
اكيد محدش عاوز يشوف وش دكتـور الجـامعة العكـر ،، ولا المـدرس ،، ولا مديـرك في الشغـل ،، بس حب اللي انت بتعملو ،، وده بيفكرني بمقوله قريتها في كـتاب The Secret واللي بتـقول ( ان كل ما تفعله يعتمد عليـك ) ،، ياسيدي اصحى عشان تمارس رياضة ،، اصحى عشان تشوف ايه الجديد على النت على الفيسبوك مثلاً ،، خلي حاجة تحركك ،،
6-
ماتـعملـش Snooze
مفـيش حد مابيـعملش Snooze كل ما المنبـه يرن ،، وماتقولش هنام دقيقة واحده وهقوم ،، اول مالمنبه يرن اصحى بسرعة قبـل الكسل مايصـحى ،،
7-
قبـل ما تـنام حط في اعتـبارك انك ممـكن ماتـقومش وتـموت
عشان لما تصحى الصبح تحمد ربنا وتشكره وتبقى سعيد ومبسوط ن ده محصلش ،،
وجـرب ده اسـبوع ،، ولو محستش بفــرق ،، ممكن ترجـع تاني زي منت عاوز
انا بقول كده لأني متأكد ان اي حد هيجــرب ده هيحس بفــرق جـــامد ،،،
المــوضوع ليـــس منـــقول ،، ويرجــى التزويــد بالمصــدر عنـد نقلـه للأمــانة ::ه
،،
فـي أمــ،ـان الله ،،
ــ .. بتــقوم تعبــان من النــوم ؟؟؟ الحــل هنــا .. ــ
)
المفضلات