,؛"؛,

عالم كبير جدا و واسع اوي

اي اغنية عاوزها جديد قديم تلاقيها

اي سؤال محيرك عايز تعرفه تلاقيه

في اي مجال انت عاوزو
كورة سياسة ميك اب هدوم وستايلات

كلو كلو كلو موجود

مجرد تفتح عمو جوجل وتكتب ايه اللي انت عاوزو ويطلعلك فثواني

عالم الانترنت
او الشبكه العنكبوتيه زي مابنسمعهم يقولو

هو تعبير صحيح جدا
شبكه اللي بيدخل فيها بيلزق ومبيعرفش يطلع :ها


تعالو معايا كده

التوبيك ده ممكن يكون كذا حاجه بعض

ثقافي تعليمي
ونقاشي
وهزاري
ومجال ارغي فيه عشان لما بتوتر مبرتاحش غير لما اتكلم



المهم

حد فيكم عمركم سئل نفسه مين اللي اخترع النت؟


جه السؤال فبالي
وحبيت اعرف مين اللي اخترعه
وبداياته كانت ايه
دخلت لعموجوجل

من هو مخترع الانترنت؟

ولقيت مايلي

اقتباس:
إنشاء شبكة الإنترنت ، لحساب السير تيموثي بيرنرز يوحنا هو أنجليزي عالم الكمبيوتر والاستاذ في معهد ماساتشوستس للتكنولوجيا ؛ الفضل في اختراع الشبكة العالمية ، وجعل الاقتراح الأول في مارس 1989.
ياااه
تخيلو انه حاجه مخترعه وسنــه ما اتولد :نونو
ومعرفتهوش غير وانا في اعدادي ::ل


نرجع بقى لكلامنا
بعد ما ألم منكو كل واحد جنيه
اه جنيه و ورق كمان بسبب المعلومه اللي عرفتهالكو


بدايتك كانت ايه مع النت؟
طبعا بداية ما طلع النت
كل اللي تقولو نت يروح بالو على طول لحجات وحشة
انا افتكر ان بابا سئل جارنا جايبين نت وللا لاء
الراجل بص لبابا من فوق لتحت وقاله ده فسق وفجور والعياذ بالله :ط

سئل واحد تاني
قاله كلام الله يسامحه خلا بابا صف نظر تماما عن الموضوع ده...:22



معرفتي للنت كانت كـ النبت الشيطاني

يعني بيني وبين نفسي
اتعلمت كل حاجه لوحدي
مع الوقت
كنت كل يوم اعرف حاجه واستعمال لحاجه جديده

اكتر حاجه بضحك عليها لما افتكر لما كنت اتمنظر اني عندي ايميل
وابقى هموت و واحده من البنات تسالني ميلك ايه
واديهولها عشان تتاكد وتكلمني

تخلف رسمي وربنا :22



اكيد الاكيد ان استعمالك للنت بيختلف من وانت في ابتدائي عن اعدادي عن دلوقت وانت راجل ملو هدومك

زمان
كان استعمالي مقتصر على اغاني تتحمل
صور فنانين
اشوف اخبارهم
وشوية هيافات لاداعي لذكرها هنا


مبيضحكنيش غير نظرات الازبهلال فوش بابا
لما يلاقي اختي ظاهره فالكام وهو سامع صوتها

بعد مانقفل تلاقيه سرحان ويفكر يقول ازاي طيب؟


بعد مافهمته عالم النت واللي فيه

صمم اعمله ميل




بتخيل حياتي من غير نت هتبقى عامله ازاي؟



هتبقى صعبة على ما اعتقد

وصلت في فترة من الفترات للادمان
استعمال نت بهبل وجنون وغباء

لقيت صورة فكرتني بحال ناس كتير
وده طبعا الحال بيبقى مجرد اول كم شهر من استعمال النت





الشات العام كلنا دخلناه
بيوزرات هبلة
عملنا حجات صح وحجات غلط كتير

ناس وخده النت سكه تسليه
وناس تقضية وقت فراغ
وناس تفريغ شحنات وعقد

ناس بتزاكر ع النت زيي كده


وناس النت خرب بيوتها وجابلها المصايب لحد البيت

ونرجع فالاخر نقول يخرب بيت النت ع النتيت ع اللي ع ينتتو عليه :22


نيجي للسؤال الاجباري

اختار 5 اسئلة مما يلي واجب عليهم مع التعليل:

اللي حابب ياخد درجه كامله يجاوب على كله




بداية دخولك للنت كانت ازاي؟

فاكر اول ميل عملته؟

ايه الحجات العبيطه اللي كنت بتعملها اول مادخلت النت؟

سمعت اصلا عن النت منين؟


اول ميل عملته الناس اللي ضفتها فيه كانت مين ومنين؟


بتندمج مع عالم النت وناسه وتعيش فيه حتى لو انت مش فيه
وللا بمجرد ماتعمل shut down للجهاز بتفصل وتنسى مين اصلا فين؟


تصنف نفسك باستخدامك للنت ايه بالظبط؟
بتفيد وللا بتستفيد وللا مجرد داونلودر وللا رغاي وسهواك وللا ايه بالظبط؟


اكتبلي اكتر 3 مواقع بتدخلها يوميا؟


اكتر حاجه بتدايقك فالنت ايه؟


لو انت في ايدك تعدل حجات وتعمل حجات
هتعدل ايه فالنت؟
هتمنع ايه وتشيل ايه؟
وايه اللي شايفو ممكن يكون اضافه وممكن تعملها؟


مواقف بايخه كتير حصلتلنا اثبتنا بيها غبائنا التام وعدم معرفتنا
اكتر حاجه انا فكراها لما كنت ادي ميلي الهوت لصحباتي واكتب فالاخر @hotmail.net
دوت نت ليه معرفش؟

ايه اكتر حاجه غبية عملتها وفاكرها؟



ارغو بقى
المجال مفتوح براحتكو خالص

محدش يقولي معلش رغيت
لا ارغو



منورين بقى

سلآم انا بقىآ

,؛"؛,
ليــس مجهودى بمفردى بل مجهــود

MooGa TeaM :ده




منقـــول


...