تخيلوا معايا لو .................

[lionking]

فينيسيا أو البندقية كما يسميها العرب مدينة جميلة لا مثيل لها في العالم بنيت على الماء في وسط بحيرة اسنة وتتكون من 116 جزيرة وفيها 416 جسرا 7 الاف شارع وتبدو أبنيتها وكأنها لونت استعدادا لعرض مسرحي فالواجهات مزينة ومزخرفة يمكن للمسافر أن يستمتع برؤيتها من السفينة أو قارب الغندول الذي يعبر الشوارع المائية .

طب عايزين نتخيل انها اتنقلت بقدرة قادر وجت عندنا فى مصر المحروسة

يا ترى هتفضل كده ولا ايه اللى ممكن يحصل

تخيل الشبابيك دى ممكن يترمى منها ايه

الميه نظيفة برغم الزحام وكثرة استخدامها والمطاعم اللى على الجنبين

ممكن بقى نتخيل ايه اللى هيحصل لما تتنقل عندنا

اطلقوا العنان لانفسكم وورونى هيحصلها ايه بقى

[اميرة حبى انا]

لو جت عندنا هتتحول لترعة
ههههههههههههههههههه

[fagrmasr01]

اختنا الطيبة ليون
مقارنتك ظالمة جدا...
طبعا أقصد بكلمة ظالمة ان الفارق شاسع جدا

فأين نحن من فينيسيا .. واين فينيسيا من مصرنا المحروسة
برغم ان الايطاليين طباعهم قريبة من طباعنا لكن
زرت فينيسا مرات عديدة ..
وفى كل مرة كنت ارى فيها
اما مهرجان للأقنعة ..
او للملابس المزركشة ..
او للكريستال ..
وعلى فكرة جزء من فينيسيا اسمه جزيرة مورانو .. وهى معقل لصناعة الكريستال بطريقة متحفية .. يعنى كل اللى بيتعمل ههناك يستحق ان يتم عرضه فى متحف

وأعطيكى مثال بسيط جدا على الفارق الرهيب
أهل فينيسيا وزوارها يحترمون الاشارات الضوئية فى الممرات المائية وتحت الكبارى حتى فى حالة عدم وجود زورق فى الاتجاه القادم ..
وبرغم
عدم
وجود
العسكرى

موضوعك متميز كالعادة وفى الصميم
أخوكى جمال ( فجر مصر )

[خلود]

على فكره انا بحب بلدى وهى كده وهفضل احبها وهى كده

بلدى وان جارت على عزيزه واهلى وان ضنوا على كرام

[ام الاء]

لا اتخيل شى من الصعب تحقيقه
نحن شعب اخد واتعود على الهرجلة وعدم
النظام ما من شارع فى مصر يرصف ويسفلت
ثم بعد ذلك يفتكروا انهم نسيو شى ماثم يقوموا بحفر الشارع من جديد
ثانيا يبقى الواحد ماشى يشوف عربية اخر موديل ومن الشباك يرمى مهملاته
ازاى بقى الواحد يتخيل شى صعب تحقيقه