السلام عليكم ورحمه الله وبركاته

انا وبنت عمى نزلنا الحريه مول
عشان نجيب حاجات
عيد بقى
بعد ما خلصنا ونزلنا
لقينا واحد
موبيلو كان بيرن
وكان مع صحابو
رد على الموبيل
ولافيناه بيزعق جامد اوى
انا اتخضيت اوى
عارفين بيزعق ليه
والله هتستغربو
عشان مامته بتطمن عليه
وقعد يقولها كلام
بجد يوجع اوى والله
الست صعبت عليا والله جدا
وقعد يقولها انا مش عاوز اقولك كلام يا ماما فى الشارع
انا مش عيل
متتصليش تانى بيا وانا برا البيت
انا والله تنحت مكانى
وبنت عمى قعدت تزق فيا عشان امشى وانا متنحا ومزهوله
ليه الشباب بتعمل كدة فى امهاتهم
دة جزاتها يعنى
ربتك وخلتك راجل
تتحمل مسؤليه
وانت تعمل فيها كدة
على فكرة طول عمرك هتفضل فى عينيها صغير
عشان عمرك ما هتكبر على مامتك ابدا
مش عشان عاوزة تطمن عليك تعمل انت كدة

انا عوزا اسئل سؤال بقى
ليه لما الواحد يكبر يكسف يكلم مامته قدام صحابه
دة انت ليك الشرف انها بتكلمك

ياريت كل واحد زعل مامته
او بباه
يعتذر ليه
وينزل على رجله يبوسها
لان بجد
دول احسن ناس فى حياتنا كلنا