بابا حسنى وعدنا بالتغيير
طب والله ده علينا كتير
دا الراجل طلع طيب
أهو واصيل
واحنا اللى طلعنا مفتريين
بكره هنفرش سجاد بدل العصير
وبدل الطعميه هنأكل
حمم وفطير
والشاى بتاع التموين الخشب
هيبقى شاى بالياسمين
عاوزه أسأل حاجه للمسئولين
فاكرين
فلاح المنيا اللى ساكن على نهر النيل
لما شرب عنده الشاى جنابه
بقى الريس هيشرب شاى
عند فلاح فقير
بقى بالله ده مش واحد من رجالتكم
المحترفين فى التمثيل
انتم فاكرينا مغفلين
دا احنا شعب
بيفهما قبل ما تطير
وى وى وى وى ( بوليس على فكره )
طب طب خلاص مصدقين
فى الوزاره الجديده بقه
هجبولنا مين
مسكتوا بيت مال المسلمين
لواحد مش عالدين
يبقى من فين هنشوف خير
وأبو طويله ايه نظامه
هيفضل على قلوبنا كدا كتير
احتلال فرنسى وانجليزى
واحتلال منا
وقبل كدا تتاريين
مصر بتتسرق من سنيين
ولسه لحد دلوقت صامدين
لينا رب اسمه الكريم
لينا رب اسمه الكريم
ملحوظه
1- الصحراء الغربيه عايمه على بترول
2- المناجم
3- قناه السويس خيرها بيروح لمين
4- دراسه بتقول ان دخل الفرد فى مصر يفترض 15000ج فين عداله التوزيع يابيه
5- المبيدات المسرطنه
6- قله زرع القمح مما يحوجنا الى الغير
7- تصدير الغاز لاسرائيل
8- الغزو المجدد للتتاريين ( الصين حاليا ) ولكن باسلحه جديده
9- اتفاقيه الكويز بين مصر واسرائيل وامريكا
10- الفجور والعرى فى شرم والغردقه
11- البارات وبيع الخمور عينى عينك
12- اقامه حفلات للشواذ جنسيا فى الفنادق
13- غلق القنوات الفضائيه السنيه
وفى حاجات تانيه كتتتير
والله مش بشهوه صوره بلدى بحبها جدا بس القلب مليان هموم والكيلطفح
ربنا لاتؤخذنا بما فعل السفهاء منها
( واسفه على الاطاله )