السلام عليكم ورحمة الله و بركاته
اخواتى الأعزاء اتحرق دمى و فار من خبر قريته و انا بتصفح فى المواقع
ومش لاقيه تعليق مناسب انا مفروسة أترككم مع الخبر و بعدين أكمل معكوا



انتهي المطرب الشعبي شعبان عبد الرحيم من تسجيل أغنية جديدة بعنوان "مش هانتخب البرادعي" ومن المقرر عرضها خلال الفترة المقبلة
.

وقد استطاع "الفن أونلاين" الحصول على كلمات الأغنية من الشاعر إسلام خليل الذي كتب كلماتها وتقول


:

"مش هانتخب البرادعي ولا حتى في الخيال
الريس لسه كويس والصحة عال العال
كبير وعنده خبرة ويعرف حاجات كتير
وأهل زمان قالولنا أن الكبير كبير
مش أي حد يحكم بلدنا بلد النصر
غير حد يكون عارفنا
وعاش على ارض مصر
أنا هانتخبك يا ريس لو حتي دمي سال
وان ما ترشحتش أنت أنا هأنتخب جمال
الناس عايزة الأمان في حياتها كلها وأكلها
وانت اللي في كل أزمة نلاقيك بتحلها
من غيرك يبقي ريسنا ويلم شملنا
دا انت فاهمنا ودارسنا وعايش وسطنا
خليك معانا يا ريس متسبش النار تقيد
وعدي بينا الصعب وأعمل عبور جديد
الشعب المصري الطيب عايز منك كتير
ومصر تستحق مجهودك الكبير


طبعا المخطط واضح لكم و كل لبيب بالإشارة يفهم ..
وبما انى مش لبيبة ممكن حد يتطوع و يفهمنى
ياربى حتى الراجل الغلبان شعبان عبد الرحيم بيستعملوه كآداة للوصول للهدف
حسبى الله و نعم الوكيل .. الناس استوت يا عااااااالم