قالت جوزى فل الفل
غصبن عن عين كل الكل
راكب فوقكم ومالوش حل
مهما حقدكم زاد أو قل
قاعد حيوريكم الذل

***
قالت جوزى بصحة شديدة
كل الأمراض عنه بعيدة
وحيحكمكم فترة جديدة
وإحنا حنفضل عيلة سعيدة
وانتو حتبقوا على الحديدة

***

قالت جوزى صحته بمب
رغم الشعب ولاد الكلب
حتى ولو مكروه من القلب
لا يهمنا كرهكم ولا حب
عايزين نحكم مش نتحب

***
قالت جوزى عال العال
رغم كلامكم اللى بينقال
مش حيسيب الحكم محال
وإن جه يوم فكر يتحال
حيورثكم لابنه جمال


طبعا

لاحمد فؤاد نجم

( البرسا)