مرتاحه بعدى..
مع اللى بعدى..
معقول قابلتى حب قدى..

وعرفتى تدى..
وعرفتى تاخدى..
وعرفتى تبقى مش بتاعتى..

رضيّت عينيكى تشوف وتبص..
وافقت إيديكى تحس بلمس..
قدر عليكى بحبة همس..
أنا كنت فاكرك.. ليا وبس..

ماتنكريش..بقى ليكى غيرى..
خلينى أعيش..مرتاح ضميرى..

أنا علمت مشاعرك تعشق..
وتدوق حبى لحد ماتغرق..
قلبك بعد خصامى ماصدق..
أول قلب نداه ..أتعلق..

نسى أيامى وأحلى غرام..
ساب الماضى وباعنى أوام..
باعنى عشان حبة أوهام..
وأنا متعلق ف الاحلام..

أتحبيتى وعندى شهود..
ورضيتى بكلام ووعود..
قلبك وافق يدى عهود..
موتينى.. وأنا موجود..

حبك قدى..
وعرف يدى..
سحب إزاى إيدك من يدى..
يملك قلبى..
ليه بتخبى..
إزاى ممكن بعدى تحبى..

قولى أنا بحلم..قولى كابوس..
عايشه بحبك..ولاخنتوش..
قولى بحبك..مانسيتهوش..
قولى التانى.. ماحبتهوش..

كدبه أخيره كمان بالمره..
تسعد قلبى لآخر مره..
ويموت على وهمو بأخلاصك..
وأنتى بعدى....تبقى حره..




منقـــول