السلام عليكم ورحمة الله وبركاته

والله انا بطلت ادخل القهوة من ساعة ما اتوقف الاكونت القديم اللي لغايه دلوقتي معرفش هو اتوقف ليه اصلا يلا مش مهم
ادينا عملنا واحد جديد وكله يهون عشان خاطر الواحد يستمتع بكلام الناس الحلوة اللي بدات ترجع للركن بعد التغيير الجميل اللي حصل
باين كده ان الحزب الوطني رفع الوصاية عن الركن
يلا الحمد لله
الموضوع بقي اني بسال نفسي كتير اوي واكيد كل واحد بيسال نفسه السؤال ده
افضل يائس زي ما انا ولا اتفائل يمكن اللي جاي يكون احسن ؟
وخصوصا بعد انتخابات مجلس الشعب والرئاسة

- لو معتمد ان التغيير هييجي من اي انتخابات
خليك يائس
الحياة في مصر هي الياس بعينه
مفيش حاجه هتتغير ابدا دي الحقيقة وفككم من الشعارات
الحكومة اللي جاية وطني 100% والرئيس اللي جاي يا جمال يا ابوة متحاولش تقنع نفسك باي حاجه غير كده
احنا مجرد اسباب
الحكومة حطت حبوب البلادة في النيل وكلنا شربنا منها
الاسعار بقت نار ومحدش بيتكلم
فشل كلوي وسرطان ومياه مجاري وساكتين
قانون طواريء واعتقالات بدون اي اسباب
خصخصة وبيع ممتلكات المصريين بتراب الفلوس
مصريين مبتوصلهومش الانبوبة في الوقت اللي في بيت المواطن الاسرائيلي غاز مصري مدعم من ضرائب المصريين
عبارة بتغرق ومجلس شعب بيتحرق باوراقه بسلطاته ببابا غنوجه
قفل قنوات دينية
كفاية كده انت عارف الباقي
وكل اللي بنعمله طالعين بنكتب مواضيع في المنتديات وبنعمل شير لفيديوهات عالفيس بوك
عشان نقول بصوا الناس الوحشين بيعملوا ايه

طيب ما هو ده اللي الحكومة عايزاه
جهازك في بيتك نتك واصل سجايرك قدامك
اقعد بقي وبعبع بالكلام وقول اللي انت عاوزه
لكن هتتنطط وتعمل مظاهرة بقي ولا تكسر ولا تخرب في قانون طواريء هحبسك انت واللي يتشددلك وهفضل اعذب فيك لغاية ما عقلك يرجعلك

عايزين تغيير فعلا
يبقي اتعود
تاخد حقك من عنيهم متقوليش ازاي
لو عرفت تاخد حقك بالقانون ماشي
تضرب اللي حقك عنده ولا تقتله حتي ماشي
ومتقوليش لا احنا متحضرين ومنعملش كده
عشان مفيش متحضرين بيشربوا ميه مجاري
وبياكلوا خضار مسرطن وبيطبق عليهم قانون طواريء من 25 سنة

المهم متسيبش حقك في كل الحالات سواء قانوني ولا مش قانوني
عشان اللي اعرفه ان دايما صاحب الحق قلبه جامد

ولانك مش هتعمل كده يبقي خليك زي ما انت وفكك من الكلام اللي انا قولته ده كله

ويلا نوقع علي بيان تاييد مبارك وجمال بمزاجنا عشان نضحك عليهم ويبقي نفذنا اللي احنا عايزينه يمكن لما نعمل كده هما يعاندونا ويمشوا




منقـــول