دووول ياجماعة الـ 20 الجداد من أسرار الولاد مع البنات


21- لما الشب يقولك " اااممممم " أو يديكي أي عذر لما تطلبي منه حاجة اعرفي انك مش عاجباه ومش مستعد يطلع (الكريديت كارد) أو حتى يدفع فيكي قرش واحد ..


22- قولي للشاب أنتي عايزة إيه منه بالضبط من الاول قبل ما تقع الفاس في الراس و بعدين يقول باريت اللي جرى ما كان ..


23- لما تقولي لشاب " لأاااه " بيسمعها هوا حاول تاني بكرا (معلش أطرش )


24- الشاب بيكره الشاب الفافي


25- الشاب بيموت في أمه (يعني كلوا الا هيا)


26- الشاب ممكن يضحي بالفلوس اللي هيتغدا بيها عشان يشتريلك بوكيه ورد احمر (يعني يجوع عشان سواد عيون حضرتك)


27- متستبعديش ان الشاب ممكن يفكر في بنت معجبة بيه بس ده مش معناه ان حضرته مغرم بيها ..


28- مستحيل تفهمي الشاب إلا لو سمعتيه كويس (فبلاش بقاه تنزلي لوك لوك لوك لوك و اديه فرصة ينطق)


29- الشب لو قالك بحبك مرة واحدة في القرن اعرفي انو فعلا بيحبك (بس مفيش مانع حضرته يسمعك شوية كلام حلو عشان يحسسك بأنوثتك)


30- حاسبي ........ الشاب احسن واحد ينشر الإشاعات يعني في خلال ساعة واحدة شباب مصر كلها هيعرفوا اللي عايز يقوله من غير ما يعرفوا صدق والا كذب ..


31- زي ما حصل مع امنا حوا و ابونا آدم أنتي نقطة ضعف الشاب (استغلي المعلومة دي كويس )


32- صح انك تجربي الشاب الأول قبل ما تصدقي كلامه بس متسيبيهوش مستني كتير برة دائرة ثقتك ..


33- الشاب غالبا بيبقى صريح قوي لما يجي يتكلم عن نفسه ..


34- مفيش شاب ميعرفش يعاكس و يقول كلام حلو كلهم معاهم دكتوراه منذ الولادة بس بتختلف من واحد بجح و واحد بيتكسف من خياله ..


35- الشاب الشيك النضيف يموت لو هدمه اتوسخت حتى لو كانت الحتة اللي اتوسخت اد السمسماية ولو حلفتيلو 100 يمين انها مش باينة مش هيصدق (خوديها من قاصرها وقوليله يروح يغير)


36- الشاب بيحب البنت المحترمة حتى لو مكانتش أمورة للدرجة ..


37- انتيمتك (صديقتك العزيزة يعني) اللي الشاب بيلجألها لو حب يعملك مفاجأة مثلا أو في مشكلة بينكوا وعايز حد يتوسطله مش بعيد ابدا يحبوا بعض هما الأتنيين و تخسري الأتنين حبيبك و انتيمتك (وكدة 1000 مبروك خرجتي أنتي من مولد بلا حمص ايد ورا و ايد قدام )


38- الشاب لو شكالك همه و حكالك عن مشاكله هوا مش عايز منك غير انك تسمعيه واوعي تعملي فيها ام العرييف و تنصحيه في نفس ذات اللحظة (في حموتها ) انما بعديها ممكن ..


39- حركة لا إرادية الشاب بيعملها فيكي لما تكوني أنتي حبيبته يفضل يضايقك و ينرفزك و يغيزك و يعلق على كل كلمة تطلع من بقكك ..


40- الشاب لو حبك و كنتي مرتبطة هيلاقي 1000 مليون طريقة يبعدكوا فيها عن بعض و يخليكي تحبيه ( فخلي بالك )


ودوول ال 20 بتوووع النهاااردة

ولو حد عااوز يشوف ال 20 بتوعوت الأول الرابط أهوا :

:: 20 سر من أسرار الولاد فى أختيار البنت ::




منقـــول