عفوا ياكابتن انا انسانه مش مزه

[خلود]

انا لى حقوق مثلك بالضبط ايها الشاب...طالما انى اراعى الاداب والعادات والتقاليد فليس من
حقك ان تعاكسنى
نعم...هذه بدايه قبل ان يقول احد ان البنت بلبسها تجبر الولد على ذلك...انا سأتكلم عن فئه
لاترتدى الكت ولا شورت ولا بنتاكور..(وحتى لو كنت كذلك فذلك ليس مبررا)
من حقى عندما اخرج انا وصديقاتى واحترم كل من حولى من حقى ان تحترمنى وتدعنى
لخصوصيتى..لماذا تلاحقنى عيناك ولماذا تسمعنى كلمات غزل؟؟؟؟ انا لم اطلب منك ذلك...ولم
افعل مايشجعك على ذلك...انا احترم نفسى اذا يجب ان تحترمنى..


سيقول الشباب البنات بتحب كده واحنا بنرفع روحهم المعنويه
وانت يعنى بتشيل على اكتافك الواجب الوطنى ده وهترفع روحنا المعنويه!!!!!!!

انا حلوه وعارفه انى حلوه..محدش طلب رأيك؟؟؟؟ مجتش جمب سياتك وقولتك ها انا حلوه!!! ليه تفرض نفسك على اذنى؟؟؟وليه تسمعنى هذه الكلمات البذيئه نعم...انا اعتبر كلمه (مزه) كلمه بذيئه كلمه تحط من قدرى وتختصر انسانه بثقافتها وعقلها واخلاقها وتعليمها ودينها فى مجرد(مزه)

عفوا انا انســـــــانه مــــــــــش مـــــــــزه

نعم فلتعلم ايها الشاب قبل ان تفكر ان تعاكس (ولن اتكلم من الناحيه الدينيه لانها معروفه للجميع)
اعلم انك بهذا لا تنول اعجاب الفتاه وانها تعتبرك طفل صغير او مراهق لايستطيع التعامل او التحاور مع الفتاه فكل مايراه انها (مزه ) لا يستطيع ان بقيم معها حوار وقد تكون تلك(المزه) تفوقه ثقافة وعلما...

وللامانه طلعت اليومين دول كلمه سخيفه ايضا بين البنات ..لما تحب توصف ولد تقول(مز) ياااااااحلاااااااوه!!!!!! وانا اصلا يوم محب واحد اقول عليه مز عادى كده وفرحانه ودا كده راجل فى عينى والولد بأه بيكون سعيد ومنشكح لما يعرف انه اتقال عليه (مز)..!!!! وبالله عليكم محدش يقولى على فكره البنات دلوقتى بتعاكس الولاد !!!! قولى نسبتهم كام!!ا أو هم مين وتربيتهم ايه...وكلنا عارفين ان البنات المحترمات عمرهم مهيعملوا كده..فانا مش بتكلم عن دوووول كلامى واضح...


انا بتكلم عن بنات محترمه لا عاكسوا حضرتك ولا طلبوا رأيك فى شكلهم..ليه تفرض نفسك عليهم!!! ليه تيجى جمبى وترمى الكلمه وتقول( يامزه ) وتجرى زى اللى عارف انه بيعمل حاجه غلط..

ايها الشاب انا انسانه متقــــولش مــــزه

الموضوع منقول بس لفكرته اللى لازم تتناقش ولازم كل واحد يعرفها

ومنـتـظـره الاراء ............

[الفارس]

جميله أووووووووووى خلود . . تسلم أيدك

[fagrmasr01]

كلام حضرتك طبعا صح
وليس معنى هذا ان نشجع البنت تلبس وتتعرى
لان فعلا البنت لما تتعرى تكون كمن تستعرض ..
وكلما زاد عريها .. كلما توقع منها الشاب انها عاوزة تتعاكس

فمن يستعرض يكون متوقع منه انه يريد آهات التشجيع والإعجاب

ففى اى استعراض .. يكون التصفيق وآهات الاعجاب يكون هو النتيجة المطلوبة

هذا ما يحدث فى السيرك او المسرح

وعلى راى يوسف بك وهبى
وما الدنيا الا مسرح كبير

وعل فكرة الاحترام والحشمة من البنت مطلوب لانها كلما تعرت كلما ضاعت قيمتها

ولكن ايضا الشباب عليه ان يحترم خصوصيتها مهما كانت حالتها ..

رأيى هو ان المشكلة تنحصر فى ان من تتعرى .. ومن يعاكس
كلاهما فقدوا القيم

[إبراهيم البشبيشي]

أوجزت فأنجزت فوصلت المعلومة
ردك رائع يا عم جمال

مشكورة خلود على موضوعك الرائع
جدا ولو إني كان ليا وجهة نظر إنك تطرحي
الفكرة نفسها للمناقشة الجادة " ليه كل
الشباب بيبصوا للبنات على انهم مُزز - جمع
مُزة - وكل البنات اللي عايزة تعيش براحتها
شايفة ان من حقها تعمل في نفسها البدع
بدون ما يكون الموضوع مستفز "
ده مجرد اقتراح وشكرا

[خلود]

اقتراحك جميل جدا ياابراهيم وهصيغه بطريقه تانيه وانزله فى المناقشات الجاده

وشكرا على الافاده ياحااااااااااااااااج

يارب نحج جميعا كلنا كده ونكون من اهل الجنه صحبه يارب