اتنين مساطيل واحد بيقول للتانى : فيك من يكتم السر

رد عليه التانى قاله : فى بـــــيـــر ..

قاله : ماعكش عشرة جنية سلف ؟!

قاله : ولا كانى سمعت حاجة.


-*-*-*-*-*-*-


ست عجوزه راحت الكوافير وقصت شعرها

أول ما رجعت البيت شافها حفيدها وقالها: يااااه دلوقتي شكلك مش شكل ست عجوزة خاااالص

ففرحت وقالتله وهي بتبص في المراية : أمال ايه ؟!

قالها : راجل عجوز.


-*-*-*-*-*-*-


خبير ارصاد جويه ... اتجوز وخلف بنتين الكبرى 27 والصغرى 13


-*-*-*-*-*-*-


مرة واحد شيخ بيوصي تلاميذه في المسجد عن زوجاتهم بيقولهم : اللي متجوز يروح يبوس ايد مراته

طلع واحد مش متجوز بيقوله : طيب ياشيخ واللي مش متجوز يعمل ايه ؟!

قاله : يبوس ايده وش وظهر.


-*-*-*-*-*-*-


مره واحد زملكاوى خطب واحده بيسألها تاريخ ميلادك ايه ؟!

قالتله 1/6... فسخ الخطوبه.


-*-*-*-*-*-*-


تنين مساطيل واحد بيقول للتانى : تصدق ان بوش جاى مصر بكره .. قاله : و ايه يعنى عليا الطلاق الاهلى يغلبه اربعه.


-*-*-*-*-*-*-


مره واحد عزم خطيبته علي عصير برتقال قالها اجيبلك شاليموه؟ قالتلو بس انا لسه مخلصتش البرتقال.


-*-*-*-*-*-*-


مره واحد بيقول لابنه لو نجحت السنه دي هدبحلك خروف فراح يشوف النتيجه بتاعته رجع قال لابوه الخروف انكتبله عمر جديد.


-*-*-*-*-*-*-


مره واحد صعيدي بيقراء بالسياسه فا بيقول كويس ان امريكا اتهمت طالبان بس ما اتهمتش المدرسه كلها.


-*-*-*-*-*-*-


مرة اتنين مساطيل ركبوا اسانسير الأول بيقول للثاني هو الاسانسير ماشى براحة ليه التانى قاله تلاقيه طالع على السلم.


-*-*-*-*-*-*-


عروسة هبلة دخلت الفرح تجري سألوها بتجري ليه قالتلهم عشان الحق كرسي فاضي.


-*-*-*-*-*-*-


واحد فرفور مراتة بتولد وقاعدة تصرخ وهو واقف عمال يعيط ويقول انا السبب انا السبب.


-*-*-*-*-*-*-


واحد حب يجامل و يدلع زوجته قال لها : انتي حمامه

قالت : لا أنا غزاله

قالها : المهم حيوانه


-*-*-*-*-*-*-


مرة واحده جوزها مابيغرش عليها راحت قالت لجارتها

جارتها قالت لها اول ما تشوفي جوزك داخل قولي بايباي يا سامي و اقفلي التليفون برضه جوزها مغرش عليها

جارتها قالت لها اول ما تشوفي جوزك داخل قولي باباي يا سامي و اقفلي الشباك برضه جوزها مغرش عليها

جارتها قالت لها خدى سامي جوزي و حطيه في الدولاب و خلي جوزك يشوفه

فجوزها بيقولها يلا يا حببتي عشان نخرج

قالتله : ازاي معنديش فساتين

قالها : ازاي انا جايبلك خمس فساتين

فتح الدولاب قالها : اادي الاول و اادى التاني و اادي التالت حاسب يا سامي اادى الرابع و اادي الخامس.






منقـــول