السلام عليكم ورحمه الله وبركاته

أخترت اليوم شاعر عظيم ملك من الكلمات والافكار ما لم يرد فى افاق الازهان واستطاع ببساطة قلمه ان يملك كثيرا من القرأ انه على سلامه لن اطيل واترككم الى القصائد.

القصيده الاولى عارفة يامه :-
أنا حاسس إن الموت ما خدش منك غير الطرحه والجلابيه السودة ما أنا كل ما عدى جنب الاوضة أسمع صوتك وأنتى بتضحكى ع الدنيا وبتدعى لى روح ربنا معاك
هاتسافر وهاترجع مجبور الخاطر وهستناك طب إسندى على كتفى بكره تقومى بكره تخفى عارف مين يا بنى بيقع ويقوم أوعى تدور ع الدفا فى فلوس وهدوم ومتنساش تحوش شوية أصحاب وافرح أوى لما يدق الباب وتلاقى حد بيحضنك لوجه الله ياه فاكره ياما لما كنتى تعملى البصاره وتدى منها لأبله سارة يرجع الطبق رز بلبن يروح لأم حسن يرجع صنية بسيسة تدى منها لخالتى بيسة ويرجع الطبق مليان حب معقول كل ده قلب عارفه يامه النهارده بقيت بخاف بجد بخاف من أى حاجه ومن أى حد بخاف غصب عنى أتخبط ف حد لحسن يعملى محضر ويطلب تعويض مشيت كتير يامه بس الفرح لسه بعيد ياترى لسه بتدعى لى ...

القصيده الثانيه على باب سفاره كندا :-
على باب سفارة كندا لمحت ابليس و ف ايده استماره بقول له على فين قاللي بص يا هجره يا اعاره يا عم زهقت.. كفرت الاقيش معاك سيجاره انا انتهيت خلاص لا نافع وسواس ولا خناس
ولا ليا عيش وسط الناس دي عالم مجرمين عندكوا فائض ف الفساد في كل البلاد
ومش محتاجين شياطين مليش عيش ف دي البلاد بقالي سنين عاطل و انتوا بتعرفوا تقلبوا الحق باطل وتقتلوا القتيل وتسلكوا القاتل و تمشوا ف جنازة المقتول ومفيش مشاكل يا عم ده انا بقيت أوسوس بالمقلوب وأقول للحرامي كفايه بقى تووب انت ايه لوحدك هاتعمل كل الذنوب و أنا ابليس أشتغل واعظ ولا كمساري ف اتوبيس يا عم ده انا زمان كنت استنى حد ينسى يسمي وهو بياكل لقمته دلوقتي كل اكلكم ملوث و بصراحه الواحد بيخاف على صحته ده مفيش ضمير اساساً عشان اموته وكل واحد بمزاجه خربانه ذمته يا عم ده كل حاجه اتسرقت وكده الاجيال الجديده م الحراميه اتظلمت يا راجل ده من كتر ما لطشت معايا خرجت ف مظاهره مع الناس اللي بتقول كفايه و برضه مفيش فايده ..

القصيده الثالثه اللهم اجعله خير :-
نفسى أتمطّع أنزل أطلع أحلق أقرع وأتشجع وأقلع كل هدومى القديمة كل حاجاتى اللئيمة وأبقى حر كده زى الطير نفسى أضحك من قلبى من غير ماأخاف وأقول اللهم أجعله خيرنفسى يبقى ليا لازمة ف وقت الحزن والأزمة تلاقينى ببنى بصلّح يعنى أنفع نفسى ده يحصل قبل كل شئ جوايا مايعجزأو يودع نفسى أحب من تانى
النهار والعماريعنى باختصارنفسى أرجع تانى بنى آدم
تفتكر ده ممكن وأنا لابشوف ولابسمع ..





منقـــول


...