لا تعليييييييييييييق..................

**lionking** · 01-03-2009, 06:27 PM

السلام عليكم

انا مش هتكلم ... انا عايزاكم انتوا تتفرجوا وتكتبوا ايه رايكم فى اللى بيحصل ده

http://www.youtube.com/watch?v=nqyWybQeOHA

http://www.youtube.com/watch?v=fQRNjbgG-Po

http://www.youtube.com/watch?v=cyGViK4ZQnw

**fagrmasr01** · 01-03-2009, 09:58 PM

ههههههههههههههه
لقطات مضحكة اوى طبعا
ولكن
هل تصلح سبب لمنع قيادة المرأة للسيارات
بالتأكيد لا والف لا
لأن موجود أمثلة زيها كثير فى الرجال قائدى السيارات
ومش بس قادة السيارات
دا فيه قادة مجموعات بيقودوا .. وبطريقة تودى الدنيا فى حيص بيص
وبرغم ان عندنا امثلة لسيدات قادوا شعوبهم للخير والرخاء
وعلى سبيل المثال : أنديرا غاندى

لكن بجد بجد .. لقطات حلوة وتضحك.. فكرتونى أيام ما كنت لسه باتعلم
كانت كل السيارات تهنئنى وانا سايق فى وسطيهم ..
كانوا معرفش ليه بيزمروا زمارات عاااالية اوى
كل ما أعدى بعربيتى جنب واحد فيهم
وكانوا كل ما عربيتى تحتك بأى عربية
كنت اسمع السواق التانى بيهتف لى هتافات غررريبة

بس دا طبعا أكيد كان ترحيب
لانى ماكنتش لسه اتعلمت انجليزى
وكان أول تعليمى فى انجلترا .. البلد الى بتسوق عكس كل مرور العالم
ههههههههههه
معلش.. العواجيز دايما رغايين ويحبوا يحكوا الذكريات

**lionking** · 02-03-2009, 01:55 AM

لالالالالالالالا متقولش كده يا استاذ جمال ولا رغى ولا حاجة حضرتك بتنورنا بردودك الجميلة

وبعدين يعنى فى حد مصرى اول علامه للسواقة يكون فى انجلترا

طبعا لازم تسمع قصائد مدح....... طول ما انت سايق

بس المهم انها عدت على خير

نرجع بقى لموضوعنا

طبعا مش كل الستات كده وفعلا فى رجالة تودى فى مليون داهية

وانا ضد منع المراة انها تسوق السيارة بس اللى مانعين دول مش مانعين عشان كده ( مش كده ولا ايه)

وعلى فكرة انا بقى من السيدات اللى بتسوق وللعلم سواقتى تجنن وجريئة جداا بشهادة زوجى على رايه

بعمل سيرك ع المحور بس بادب وباصول القيادة اللى اتكلمت عنها قبل كده

المهم ان اللقطات عجبتك

شفت بقى مين اللى طلع رغاى

انا

**fagrmasr01** · 02-03-2009, 02:58 AM

بجد بجد بجد يعنى
اصلها كانت اول سفرية
واول مرة الشركة توهب لى عربية
مع انهم بيسوقوا عكس عكوس
زى السكة الحديد
عارفاها ازاى
عكس عندنا الاتجاه الرايح مش يمين
لالا شمال
زى الانجليزى كده م الشمال لليمين
ههههههههههههههههه

انما بالمناسبة الجميلة دى
فكررررتينى

هو احنا مش كنا عينناكى قبل كده
ظابط وعى المرور فى المنتدى

ياريت ترجعى لنا بمقالاتك ف الموضوع ده

وبجد بجد بجد برضه

مقالاتك فيها وعى حلو اوى ونحتاج كلنا نقراه

فلا تحرمينا .
لا حرمك الله من السعادة والسرور
وأضاء عمرك بالإيمان والنور
اللهم آمين

**lionking** · 02-03-2009, 09:49 AM

هههههههههههههههههههه

ظابط وعى المرور مرة واحدة

انتوا كده ممكن تكرهونى والله

بس هو انا عايزة افهم حاجة واحدة::::

ليه السواقة فى انجلترا عكس عكاس ::::::::::؟ بجد والله

يعنى الاصل فى القيادة ( يمين ----يسار ) ؟؟