حملة ايميلات مهمــة لتــامر حسنى وفضيحة فانز عمرو دياب ...دخول ياتيمورية
دة نص رسالة باعتها واحد من محبى عمرو لواحد تانى
والأتنين اعضاء قدام فى السايت ومش صغيرين
للأسف فتحنالهم السايت وقبلنا بوجودهم معانا واستحملنا ردود ومشاركات سخيفة كتير منهم
واتحملنا منهم كتير وفى بعض الأحيان دافعنا عنهم
ومع ذلك عضوا الأيد اللى استضافتهم هنا
وبيحاولوا يضربوا تامر ويشوهوا صورتة ادام الراى العام
تعالوا نشوف بيقولوا اية بالظبط

اقتباس:
زايك يا ادهم

في حلمة معموله على الفيس بوك و عمرو دياب ستريت
اكيد عرفت ان تيمو حيكون يوم الاثنين في برنامج مصر النهارده
عشان كدا الديابيه عملين حمله
و ده نص الرساله اللي جاتلي على الفيس بوك

ياجماعه مش عيب أبدا أننا ندافع عن حقنا
وعن الحقيقة اللي لازم الناس والأعلام يعترفوا بيها
أن عمرو دياب هوا ملك القارة كلها في الموسيقي وأن جوايزه هي اللي بتقول كده
مش نسكت ونكبر ماغنا , ده كده أسمه استسلام
الأعلام والناس مش هيفهموا بسكوتنا
ياريت كل واحد فينا يتحرك بجد المرة دي



[email protected]

[email protected]

[email protected]
...
[email protected]
يالا ياجماعه ابعتو معانا لعزبه مصر النهارده قوللهم ان عمرو كسب جايزتين وان القرد مش ملك افريقيا زى ما بيقولو يالا
وحطلهم ف الميلات فيديو فوز عمرو


لحد هنا خلصت الرساله
هي دي اميلات المذعين و المذيعات ، اوكي
ان رسلت لهم رساله و دلوقتي حرسل لهم من ايميلي الثاني
اوكي
و ده ايميلي
************
و قول لكل واحد انت تعرفه كويس هنا في القسم
سلام
دة مبعوت من عجلان 2000 ل الألتراس الديابى
تصوروا الوقاحة الأتنين بيخططوا يضروا تامر من جوا السايت بتاعة
اية الحقد والشماتة والغل دة كلة
على اية ياجماعة ..ما الى يعرف يعمل زى تامر يعمل
اللى يعرف يقلد تامر يقلد
والناس بتحكم وبتشوف
لية عايزين تشوهوا صورة تامر وتجرحوا صورتة ادام الراى العام
وهو مصرى ..مسلم ..شاب زية زينا
لا اذى حد فيكو ولا جرحكو
دة تامر من فرحتة يوم ما كسب الجايزة واول تليفون عملة
قال باركوا لعمرو دياب كمان اول مصرى ياخد الجايزة
شوف تامر بيعمل اية وانتو بتعملوا اية
بتفكروا بالطريقة القذرة دى علشان تدمروا تامر
حملة لتشوية صورتة ؟ لا حول ولا قوة الا بالله
بس مش غريب اللى حصل منكو دة
للأسف اتخمينا فيكو انتو الأتنين
دة الكلب مابيعضش ايد صاحبة
انتو خنتونا وعايزين تشوهوا صورة تامر وتحاولوا تمنعوا ظهورة فى البرنامج
دة بعيد عن عينكو
موتوا بغلكو وحقدكو تامر ملك افريقيا وملك العالم والدنيا كلها
من قبل ما ياخد الجايزة دى ..دى مجرد جايزة تعبيرية
لكن تامر قيمتة اكبر بكتير من الجايزة دى
من الأول لية سجلتوا معانا ولية شاركتوا ولية صاحبتونا
احنا ماعندناش خونة وميفش وسطنا حشرات زيكو
وجودكو اكبر غلطة فى تامر لافرز
واللى يشوة صورة تامر ..احنا نشوهة هو شخصيا بالنار
دى حاجة عمرنا ما هنسمح بيها ابدا
واى حد زى الأتنين دول كدة ينسحب من السايت فورا
قبل ما يتمسح بكرامتة الأرض
اهلا بمحبى عمرو دياب المحترمين فقط
الا تامر حسنى ..الا تامر حسنى ..الا تامر حسنى
هنا مكان للمحترمين بس ....اللى عايز يدمر وياذى دة بعيد عننا خالص
واحنا لو بنفكر زيكو وعايزين نجرحكو وتشوفوا الت الأدب كان ممكن نعمل حاجات كتير اوى
ماتنسوش انكو فى بيت محبى تامر وان المحترمين منكو اصحابنا وحبايبنا
بس الت الأدب والمعايرة مش سكتنا و مش حملات هايفة ولا احنا اللى بنتكلم
احنا اول من قال مبروك تامر مبروك عمرو ..مبروك مصر



نفسى الدنيا كلها تقرى التوبيك دة علشان تعرف الفرق ما بين الجمهور المحترم اللى تامر فخور بية
وبين اتنين زيكو
بلاش بقى نخش فى السكة دى والطيب احسن
-----------------------------------
يا تيمورية ..يا محبى تامر
انتو قريتوا الرسالة اللى بعتوها لبعض ...ودة تصرف من بعض محبى عمرو دياب
فى ايميلات اتبعتت فعلا بالصيغة اللى شفتوها لمذيعين برنامج مصر النهاردة
عشان يحاولوا يقللوا من قيمة تامر و يمنعوا ظهورة فى البرنامج
اكيد مش محتاج اقول احنا هنعمل اية
دلوقتى وحالا كلنا هنبعت ميل كل واحد يقول اللى فى نفسة
وانا هاكتب صيغة موحدة للى عايز يبعتها لصالح تامر وتحسين صورتة ادام المذيعين
اللى انا واثق اصلا انها ماتهزتش ولا حاجة

العنوان : رابطة محبى تامر حسنى تعبر عن امتنانها لمصر النهاردة

السلام عليكم ورحمة الله وبركاتة
انا واحد من الملايين من محبى تامر حسنى ...من الملايين اللى تامر ياما فرحنا ووقف معانا واحترمنا وقدرنا واتعلمنا منة كتير انا من رابطة محبى تامر حسنى اكبر رابطة لفنان عربى باسم تامر حسنى ..انا حقيقى فخور بالأنجاز اللى تامر عملة وهو فى السن دة وعمر ما فى حد سبقة لة ابدا وهو فى سنة ..تامر مبدع فنان شامل متكامل ..بيعبر عن شباب مصريين كتير اوى ..كلنا بنحبة وبنقلدة وواخدينة قدوة لينا فى كل حاجة بيعملها ...استضافكوا لتامر حسنى فى البرنامج المصرى العظيم دة احتفال لملايين المصريين والعرب بالفرحة مع تامر ومعاكو ..حقيقى احنا بنتشرفلا اننا بنتابع مذيعين محترمين بيتكلموا فى كل حاجة فى الدنيا والنهاردة كمان مستضيفين واحد مننا ..قصة نجاح شاب مصرى كل المصريين فخورين بة ...مصر النهاردة كل رابطة تامر هتتابع حلقة تامر حسنى وهنشوف الحوار الشيق وشكرا انكو دعيتوا تامر علشان يتكرم تانى فى البرنامج العظيم دة معاكو


امضاء : كل اعضاء Tamer Lovers



[email protected]

[email protected]

[email protected]
...
[email protected]


دلوقتى حالا يا تيمورييين كلنا لازم نتحرك ونبعت ونورى الناس كلها الخير والحب اللى بينتصر ولا شغل من تحت لتحت و الغل والحقد هما اللى بينتصروا ...مش عايز انفعال وردود وبس ...الميل دة لازم يوصل لكل الميلات المكتوبة ويتعمل حملات على الفيس بوك بالموضوع دة والبرنامج يقرا ايملات محبى تامر ..مش عايزين نسكت ..ربنا معانا





We Love You King Of Generation
Kinf Of Youth
King Of Africa
King Of Our World











هذا الموضوع منقول
بلغ عنه الادارة ان كان مخالفاً