موت الإلهام
ليه كل مصيبة بتصغر .. لما تمر الأيام
لكن انا حزنى بيكبر .. وتموت الأحلام
ليه حزنى وجراحى .. ليه مات الإلهام
ليه ماتت أفراحى .. ونبض القلب آلام
عاش الحب ما بيننا سنين
كان العشق فى نظرة عين
ليه تحتار خطوات الفرحة
ليه معرفش أنا رايح فين
قاموسنا مكانش فيه ابداً كلمة او معنى فراق
وهمسة من همساتنا كانت هى الرمز للعشاق
ليه احتار والقلب وحيد .. نبضاته دمعة أشواق
ليه انا وحدى وانتى بعيد .. الحب لقربك يشتاق
فين اغانينا مع العصافير
فين احلامنا كطفل صغير
فين أمانينا ان احنا نطير
مع نجماية وشوق وعبير
كلها قتلتها الايام .. وكتبتى انتى حكم الإعدام
فرحى آلام .. حتى القرب فى يوم أصبح أوهام
ودموع الحزن حروف وكلام .. ومفيش أحلام
ماتت ياحبيبتى الأنغام .. لكن منى اليكى سلام
رد مع اقتباس
المفضلات