نفسى فى صنف حشيش

ينمل الدماغ وينظف النخاشيش

علشان انسى طابور العيش

واخش فى الغيبوبه وانسى مشكلة الانبوبه

وانسى بلدنا المنهوبه

وانسى اللى بيجهزوه علشان يبقى رئيس للمخروبه

وابقى مسطول

نفسى فى صنف حشيش

عشان انسى اى مسئول

من اللى سابوا الناس تموت فى السيول

وانسى ان نظيف اتجوز وبقى بيعول

وانسى مجلس الشعب وفتحى سرور

وانسى البرادعى وايمن نور

وانسى شوبير ومرتضى منصور

وانسى تعديل الدستور

وانسى اللى ساكنين فى القبور

وانسى انفلونزا الطيور

نفسى فى صنف حشيش

عشان انسى مشاريعنا الفاشله

فى توشكى وابو طرطور

واخش فى الاستهبال

وانسى علاء وجمال

وانسى التوريث

و النيل اللى نازلين فيه تلويث

وانسى ان منتخبنا كويس زى ماقال الريس

وانسى تصدير الغاز

واحنا عندنا ازمة بوتاجاز

وانسى قطر العياط

وانسى قطر الصعيد

وانسى احمد عز واحتكار الحديد

وانسى زحمة المواصلات

وانسى الانتخابات

وانسى فتاوى الفضائيات

وانسى العشوائيات

وانسى فشل التعليم

وانسى هشام طلعت وسوزان تميم

وانسى الاهرام وانسى الاخبار

نفسى فى صنف حشيش

عشان انسى ثروة الريس ال40 مليار

اللى مش بالجنيه المعفن لا بالدولار

وانسى انه خلى بلدنا افقر من زنجبار

وانسى المعارضه وانسى الاحزاب

وانسى تامر حسنى وعمرو دياب

وانسى ارضاع الكبير وشرب بول البعير

وانسى انفلونزا الخنازير

وانسى اوروبا وامريكا وانسى الصين

المتقدمين عننا بسنين

نفسى فى صنف حشيش

عشان انسى البيت بيتك و تامر امين

وانسى ان كيلو اللحمه بقى بتمانين

وانسى اننا فى الزباله غرقانين

وانسى الماده سته وسبعين

والماده سبعه وسبعين

وانسى فريق الساجدين

وانسى الزمالك والاهلي

وانسى اليسا وهيفاء وهبي

نفسى فى صنف حشيش

عشان انسى الفول والطعميه

وازهى عصور الديموقراطيه

وجامعة الدول العربيه

والجماهيريه الليبيه

والكفيل المعفن فى السعوديه

ونظام دول الخليج الغبية

وانسى بطرس غالى و الضريبه العقاريه

وانسى الطلعه الاولى الجويه

والمصالحه الفلسطينيه

وانسى فتح وانسى حماس

وانسى هنيه ومحمود عباس

وانسى العراق وافغانستان

وانسى ايران و انسى باكستان

وانسى ماما سوزان

وانسى الاخوان

وانسى محمد ابراهيم سليمان

وانسى ان حد من 0900 يطلع كسبان

نفسى فى صنف حشيش

عشان انسى انى مديون

وانسى كل ممثله حيزبون

بتاخد فى المسلسل كام مليون

وانسى ايامنا السوده

واحضان طنطاوى والبابا شنوده

وانسى القذافى والبشير

وانسى كل ملك وكل امير

اللى حاكمين من سنين مجوعين شعوبهم المساكين

من غير تغيير

وعلشان اعرف ان الصنف كويس

لازم ارشح نفسى وابقى الريس


******************
الشاعر : احمد فؤاد نجم





تحياتيGEDDO



هذا الموضوع منقول
بلغ عنه الإدارة إن كان مخالفاً