وانا جالس على الكنبة
حسيت ان الكنبة كبيرة
وانا مش مليها
والكنبة علي سجادة
السجادة واسعه عليها
واحنا في غرفة في شقتي
الغرفة مش كل ما فيها
والشقة في العمارة
وفيه شقق بعديها وقبليها
والعمارة في شارع
والشارع في مدينة
وفيه أكتر من مدينة جنبيها
اتكونت محافظة ..
من كام محافظة
اصبحت دولة انتمي ليها
انا فين ؟؟
انا مش باين للعين
وانا لسه في الدولة
طب لو كان أكتر من دولة
تبقي قارة
وقارة مع قارة
تبقي الكرة الأرضية
ومن فوقها بص عليّ
وانا جالس علي الكنبة وحديّ
شايفني يا تري انت وهيّ
دا احنا فين في الدنيا دي
طب كيف الحال لو طلعنا شوية
للمجموعة الشمسية
وبعدها للمجرة اللي مثلها ملايين المجرات
كل ده في السماء الاولي من السبع سموات
احنا فين؟؟
وقلي ليه متكبرين ؟؟
ولنفسنا شهواتنا عايشين
يصف النبي صلى الله عليه وسلم عرش الرحمن والكرسي فقال :
ان الارض بالنسبة للسماء الدنيا كحلقة في فلاه "اي صحراء مترامية الاطراف "
وان السماء الدنيا والارض بالنسبة للسماء الثانية كحلقة في فلاه
وان السماء الدنيا والثانية والارض بالنسبة للسماء الثالثة كحلقة في فلاه
وان السماوات الثلاثة والارض بالنسبة للسماء الرابعة كحلقة في فلاه
وان السماوات الاربعة والارض بالنسبة للسماء الخامسة كحلقة في فلاه
وان السماوات الخمسة والارض بالنسبة للسماء السادسة كحلقة في فلاه
ان السماوات الست والارض بالنسبة للسماء السابعة كحلقة في فلاه
وان السماوات السبع والارض بالنسبة لكرسي الرحمن كحلقة في فلاه
وان السماوات السبع والارض والكرسي كحلقة في فلاه بالنسبة للعرش
فكيف لنا اخوتي الاعزاء ان نتصور هذا الملكوت العظيم الذي لا يمكن للعقل البشري ان يتصوره مهما كانت قدراته العقلية
فسبحان من قال في كتابه الكريم في سورة البقرة وخاصة في آية الكرسي " وسع كرسيه السماوات والارض "
سبحان الله والحمد لله ولا اله الا الله والله اكبر
سبحان الله وبحمده سبحان الله العظيم
وأنا علي الكنبة جالس
فين انا فين ؟؟
سبحان من يسمعني و يراني
مما اعجبنى
رد مع اقتباس
رد: وانا جالس على الكنبة
المفضلات