استفسار عن ابني بيتك

**haytham69** · 31-08-2010, 12:34 AM

السلام عليكم،

كل شوية اسمع عن موضوع ابني بيتك بس مش فاهم ايه هو بالضبط.

ممكن حد يدلني على رابط اقدر افهم منه ايه الحكاية و بالتفاصيل؟ بفكر ابيع شقتي و اخد فيلا صغيرة "مستقلة" أو اخد أرض و ابنيها متهيألي حتكون ارخص بكتير.

**MaTrEx** · 02-09-2010, 11:17 AM

مشروع ابني بيتك
هو احدى مشاريع مبارك والحكومة للشباب المصري
بعد ما تنطبق عليك شروط كتييير بيمنحوك مساحة 150 متر أرض بسعر 70 جنيه للمتر
بس طبعا في اماكن نائية مش هيوصلها العمران قبل سنين
اتفرج عليها مثلا على جوجل ايرث
طبعا فيه شوية شروط كتير للبنا زي انك مثلا مقيد بنماذج معينه وزي انك بتبني على مساحة معينه تقريبا من حوالي 40 : 50 % والباقي جنينة وسور
وزي ان الاتفاع المسموح هو 3 ادوار بس
ومساهمة من الدولة للشباب لانهم رضيو يسكنو المشروع ده وعشان يقدرو يبنو بياخدو من الدولة 15 الف جنيه كدعم ولكنها موزعه على 3 مراحل
المهم يعني انه فيه اختلاف كبير على المشروع
وعلى تكاليفه ان كانت مناسبة أو لأ

لكن المشروع في حد ذاته وفر شغل كتير للمقاولين والسماسرة واي حد ملوش شغل بقا يشتغل في ابني بيتك اللي يبيع ميه واللي يحرس واللي يسرق
حتى العرب اللي موجودين في الاراضي اللي خصصتها الحكومة للمشروع بقو ياخدو اتاوات عشان يسيبو المستفيدين

معلومة كمان
75 % من مستفيدي ابني بيتك
باعو الارض الللي اتخصصت لهم
والاسعار كانت من 20 الف ووصلت لحد 70 ألف في بعض الاوقات والمناطق

واخيرا
دا رأيي الشخصي في المشروع
مع العلم اني مقيم باكتوبر من 20 سنة