تلبسى مايوه ..... شرعى ؟؟؟؟؟؟؟؟
بسم الله الرحمن الرحيم
السلام عليكم ورحمة الله وبركاته
****
قبل بس أما ادخل في الموضوع
عاوزه أقول اني شايفه ان كل واحد حر يعمل اللي هو عاوزه
ويلبس اللي هو عاوزه
واللي يعجبه يعجبه
واللي ميعجبهوش مش هو اللي هيحاسب الناس
ربنا هو اللي بيحاسبنا
يعني محدش يقدر يقول مش من حقك تلبس كذا أو متلبسش كذا
******
بس انا هتكلم من وجهة نظر حد شايف ان ما أحله أو حرمه الله
هو المقدم على مسألة الحرية الشخصية
ومن وجهة نظر حد شايف ان الحرية الشخصية هي ما لا تخرج عن إطار الحلال والحرم
******
حاولت أجيب صورة للمايوه الشرعي من عند الأخ جوجل
مالقيتش غير الصورة دي
طيب جميل جدا
لبس
حلو جدا
شيك
يستر جميع البدن
ومش شفاف
جميل ؟
لأ مش جميل
هل المايوه ده لا يصف أجزاء بدن المرأة ؟
يعني لو لبست المايوه ده ونزلت البحر
أو البسين
هل هيصف جسمها ؟
وللا هيفضل ماسك نفسه وشادد حيله
وبعيد عن جسمها دون أن يلتصق به ويصفه ؟
****
طيب هل انتي كبنت أو امرأة
تقبلي انك تلبسي المايوه ده ؟
أو لو انت رجل أو مسئول عن بنت أو سيدة
تقبل انها تلبس المايوه ده؟
رد مع اقتباس
المفضلات