" الشاب النايتى "
" العصيدة الشعرية " فى زمن " الشاب النايتى " !
الشعر العربي يتطور حسب المستوي الثقافي والاجتماعى والسياسي للشعوب العربية ..وأيضاً علاقاتها بالشعوب الأخرى , وكانت بدايته بلغة عربية صرفة ثم شعر رومانسى خفيف ثم شعر بلغة عامية .. وحالياً وصلنا إلى " الحلزونة ياما الحلزونة".
وياريت وقفنا لحد كده .. معروف إن بعض شبابنا مطور وفهلوى ومفيش مانع من حبة فزلكة على الماشى ، ومن هذا المنطق عدد منهم عملوا منتدى شبابى على الإنترنت قرروا أن يكتبوا شعراً متطوراً طبعا .. لكن ملتزمين بالوزن والقافية ، اسمع يا سيدى:
عصيدة شعرية بعنوان" الشاب النايتى السيس"
الشاب السيس ..
سهران فى البارتى..
قشطه وبيس.. يا حبيب هارتى..
أنت لذيذ ..أستاذ فى القلش ..والتهييس ..
الشاب النايتى .. الشاب الكوول ..
بنطلونه .. ساقط على طول ..
جامد وفظييييع ..مش معقول ..
مُز و جان .. واد عسول ..
الشاب النايتى .. مالوش فى الشعبى ..
بيسمع راب ..وبيسمع غربى ..
تيك كير بيبى ..تيك كير حبى ..
أنت حبيبى .. واحشنى يا قلبى
الشاب النايتى .. شاب خواجه ..
عايش مش فاهم .. حاجه فى حاجه ..
شارب ومشيش .. ضارب كذا حاجه ..
و مكبر مخه ..أخر حاجه
الشاب النايتى ..واد حبوب ..
حسه مرهف ..قلبه طيوب ..وهدومه لابسها بالمقلوب
الشاب النايتى .. يحب مارينا ..
يأنتم مع ساندى ..وجوليا وتينا ..
يلبس سلسله ..وشورت كارينا ..
وألعب يا ماو ..يلا بينا
الشاب النايتى ..مش عصامى ..
بياخد مصروف ..من بابى ومامى ..
يصحى المحروس ..يروح ع النادى ..
يسلم ويبوس ..مجهود مش عادى ..
وعجبى
رد مع اقتباس
المفضلات