رحــــلــــتـــــى الـــى افريكــــــــــــــــا بــــــــــــارك
السلام عليكم ورحمة الله وبركاته
النهاردة يا احلى اعضاء هقولكم على رحلة جمييييييييييييلة جداااااا رحتها من حوالى اسبوعين
الرحلة دى لمكان اسمه
أفــــــــــــــــريــــــــــــــــكا بــــــــــــــــــــارك
المكان ده موجود على طريق مصر اسكندرية الصحراوى واحنا راجعين من اسكندرية ,,,, مساحة البارك حوالى 200 فدان
سعر الدخول للبارك 200 جنيه للسيارة ايا كان عدد الموجودين فيها لان البارك لازم نلف فيه بالعربية الا فى بعض اماكن بيكون مسموح لينا بالنزول من العربية وعلى فكرة المبلغ ده شامل السفارى تور اللى بالعربية ومدتها على حسب كيف السادة القرود والضباع وتقريبا ساعتين الا ربع وفى كمان river tourوفى مكان هناك اسمه الكهف بندخله برده وبنتفرج
وانا هحكيلكوا عن كل حاجة
اول ما بندخل البارك بنلاقى نفسنا ماشين ورا بعض كلنا فى ممر رملى يدوب بياخد عربية واحدة وعلى الصفين فى اراضى خضراء ونباتات طويييييييييييلة مش عارفة اسمها ايه عشان محدش يسالني
واحنا ماشين اول حاجة بنقابلها هيا النمر على ايدنا الشمال يعنى ناحية اللى بيسوق وهيكون بعيد شوية بس اللى عايز ينزل عشان يتصور مفيش مشكلة انا بئه كنت لسة مش فاهمة ان فى هنا حاجة فمنزلناش
وبعد كده لقينا اللاما وطبعا موجوده فى مكان جميل كله خضار وهنا ممكن ننزل ونلعب معاها ونتصور كمان
وبعد اللاما الجميلة هنوصل للست نعامة ومجموعة من الغزلان وبرده مسموح لنا اننا ننزل ونصور ونلعب شوية
وبنكمل المشوار وهنلاقى فى الطريق جزيرة وسط المية فيها حاجة صخرية والحاجة دى فيها شوية قرود كبيرة بعد القرود دول هنمشى وهنقابل وحيد القرن وعلى فكرة اسمها اميرة وعلطول فاتحة بؤها واحنا نرمى الاكل يمكن تشبع
بعد وحيد القرن هنكمل لف بالعربية وهندخل على مكان جميل اوى هتقف العربيات فى مكان محاط بالاسلاك العالية ومليان قرود صغننة وهيبدا الموظف يحطلهم اكل على العربية وهما يتنططوا على كل العربيات
بعد القرود اللى بتتنطط هندخل على طريق طويل هنشوف فيه القرود بتتمشى وقرود بيبى على ظهر مامتها وحاجات جميلة كده
ونيجى بئه للحيوان المفترس اللى هو الضبع
ولازم ولازمن ولابد وحتما ازاز العربية مقفوووووووووووووول وهتلاقى الضبع طيب وكميل خاااااااااااااالص الراجل بيطبطب عليه كانه قطة والله
وبعد ما نخرج بالسلامة هنلاقى مكان جمييييييييييل مليان بغبغانات ملونة وجميلة وبرده مسموح انك تتصور وتهيص معاهم
ونكمل المشوار و هندخل على مكان للاسود ولازم نقفل ازاز العربية ونمشى على مهلنا عشان ميزعلوش مننا ويهجموا علينا وتقلب بغم وبعد الاسود دول هنلاقى فهد صغنن ( بيبى يعنى ) ممكن نشيله ونتصور معاه احلى صور
ولما نخرج من هنا هنمشى مشوار حلو نوصل منه على مكان عالى وموجود فيه بس على تحت دبتين اسمهم
ادهم ورشا
طبعا مفيش صور لانهم بعيد اوى بس احنا ممكن نحدفلهم اتا عارفينها طبعا ع العموم الراجل المسئول بيديك الاكل وانت ترميه
دى كانت السفارى اللى بالعربية
هرفع الصور عشان تشوفوها
رد مع اقتباس
رد: رحــــلــــتـــــى الـــى افريكــــــــــــــــا بــــــــــــارك
المشاركة الأصلية كتبت بواسطة محمود التهامي
.gif "50 (19)")
المفضلات