قناة الحياة بتستعبط

[محمود التهامي]

السلام عليكم ورحمة الله وبركاته
ازيكم عاملين ايه
وكل سنة وانتم طيبين

طبعا السنة دي المسلسلات خنقت التليفزيون
واليوم ميكفيش الواحد يتفرج حتى على نص المسلسلات
وكلامي طبعا موجه لهواة المسلسلات
وعلى اعتبار ان التليفزيون وسيلة تسيلية في بعض الوقت ومش اليوم كله
عشان محدش يجي يقوللي رمشان شهر عبادة
يعني اه عبادة وخير وتزاور بس برضه فيه وقت للترفيه
فانا بقا بتكلم عن الوقت ده .... ماشي
أنا عن نفسي بحب برامج رمضان اكتر من المسلسلات 100 مرة
بس البرامج الحقيقية
مش الهلس اياه
كان عاجبني جدا برنامج لقاء مستحيل اللي نوهت عنه قناة الحياة
وفكرته فعلا ممتازة
وكنت مستنيه بفارغ الصبر عشان اشوف الشخصيات العظيمة اللي هيتكلموا عنها
رغم تحفظي طبعا على بعض الفنانين اللي تصدرو لتأدية أدوار شخصيات كبيرة قوي عليهم

المهم
اللي فاجأني وخلاني اشيط من الخنقة الزهق
الحلقة الأولى
تصورو
من الحلقة الأولى كرهت البرنامج
بعد ما كنت مشتاقله كل الاشتياق
ياترى مين شافها وشاف الاستخفاف الفظيع بشخصية اختلف عليها لكثيرين
ولكن عند تتبع المعلومات الدقيقة عنها
لوجدناها من أفضل الشخصيات المعاصرة
بقا هتلر يستاهل كل التريقة دي !!!
فعلا عجبت لك يا زمن
ياترى السادة المعدين والفنان الكبير هاني رمزي
هل حد منهم فكر يقرأ شوية عن هتلر
حد فيهم عرف حاجه عنه
وللا هو البرنامج عني برنامج كوميدي والمفروش نتعامل معاه معاملة حواديت ألف ليلة وليلة
المهم
البرنامج ده بجد خنقني
وعايز اعف رأيكم انتو كمان في البرنامج وفي الحلقة الأولى تحديدا
واللي مشافهاش يكتب في وجل حلقة هتلر وهيلاقيها في أماكن كتييير
كفاية كدا بقا ومستني تعليقاتكم

[lionking]

والله يا محمود انا امبارح ما شفتش حاجة خالص

بس هحاول ادور يمكن الاقيه ع اليوتيوب الحلقة بتاعت امبارح

ولو لقيتها ممكن اقولك رايى

طب ممكن تقولى البرنامج ده امتى تحديداااااا

[إبراهيم البشبيشي]

بص يا باشا

مبدئيا هتلر اتولد في النمسا 1889 وانضم للحزب النازي اللي هو اختصار لـ ( حزب العمال الاشتراكي الالماني ) سنة 1920 وفي 1921 بقى من قيادات الحزب والزعيم المهم فيه وفي 1923 اتسجن بعد محاولة انقلاب فاشلة قام بيها وفي 1933 تولى منص المستشارية وهو يعادل منصب رئيس الدولة وضم معاه كمان منصب رئاسة الوزراء في 1934 واتخذ لنفسه لقب فوهرر وبدأت سياسته الواضحة من بداية حكمة في تأمين ألمانيا في جميع المجالات فبدأت نهضة صناعية علمية فكرية زراعية لم تحدث في أي دولة سوى ألمانيا وفي عام 1939 بدأ في تطبيق مبدأ السيطرة على المجال الحيوي الألماني والمقصود بيه السيطرة على كل الدول المحيطة بألمانيا من أجل تأمين الموارد وضمان رخاء ألمانيا المطلق بالطبع دي كانت بداية الحرب العالمية التانية اللي اتحد فيها هتلر مع ايطاليا واليابان والنمسا ورومانيا وبلغاريا والمجر في جبهة واحدة اتسمت بجبهة دول المحور المهم انه ومن خلال الحرب دي تم غزو معظم دول أوروبا وطبعا انتهت الحرب بهزيمة المانيا وانتحار هتلر واستسلام اليابان سنة 1945 .

ده بالنسبة لهتلر أما بالنسبة لقناة الحياة فأحب أفكرك ان دي نفس القناة اللي بتعرض المسلسلات اللي انت وانا مابنحبهاش وبتجيب برامج هابلة زي ديل أو من غير ديل واتحدى البونك فهل تتوقع منهم انهم يقدمو لسيادتك محتوى مفيد . ؟

هاسيبك تستنتج الرد

[محمود التهامي]

iهو كان بعد الفطار بس مش فاكر امتى بالظبط
بس تقريبا في حدود سبعة ونص الى ثمانية ونص تقريبا

[محمود عبد الله]

انتو بتتكلموا عن هتلر و ناقص تقولوا عليه السلام
ايه ده
حتى لو كان هتلر قائد ناجح ف هوا برضو مش تبعانا ولا من قوادنا
على عينا يا سيدى انجازاته
و برضوا يستاهل التريقة

و المسلسلات الهلس 100/100
و البرامج الهلس 200/100