موقف - 2 -
تقول لمامتها نازله مع اصحابي ندخل سينما
وتكلم اصحابها تظبط معاهم الامور وترسيهم على الدور
وتنزل تقضي اليوم مع صاحبها
في مكان هادي ولو فيه وقت ممكن يدخلوا فيلم رومانتيك
وتروح لمامتها بليل وممكن كمان تألف قصص عن اليوم
وتحكي لمامتها هي عملت ايه مع اصحابها
كلو افلام طبعاً
الام عندنا ضمير وواثقه في بنتها في التعامل
والبنت ماعندهاش دم ولا تقدير...مافيش ضمير !!
موقف - 3 -
موظف حكومه من العثاثيل بتوعنا دول
مزاجه ومتعته انو يعطل مصالح الناس ويقرف فيهم
بيكون في ايده انه يخلص مصلحه اي حد بسهوووله جداً وفي ثواني
لكن بيحب ديماً يستغل الوضع ويسحب من اللي عايز يقضي
مصلحته ( اللي هي من حقه اساساً ) على قد مايقدر وخلي
عندك نظر...يعني لو زبون على اد حالو هيقضيلو مصلحتو
في يومين ولو زبون شديد ومتكلف هيقضيلو مصلحتو وهو
واقف وممكن يجيبلو كرسي وكبايه شاي كمان لحد مايقضيلو
مصلحتو في نص ساعه بس
الموظف ماعندوش احساس بمسئوليه ولا ضمير
والزبون اياه لازم هيبيع ضميره عشان ينجز في مصلحتو !!
موقف - 4 -
بياعه الخضار البسيييطه جداً اللي المفروض انها ساذجه
بتغش على قدها
يعني لو انت زي حالاتي كده مش بتفهم حاجه في الكيلو
ومش عارف شكل الكيلو ده يبقى قد ايه يبقى ممكن تديك
كيلو الا ربع...وتوفر الربع ده لنفسها...وانت على قد حالك
ومش بتفهم اساساً...وتروح البيت مامتك تقوله معقوله ده كيلو !!
فرق اوي معاها الربع اللي هي وفرته لبيعه تانيه ده !!
ست مسكينه آه وشقيانه ومحتاجه القرش
باعت ضميرها وغشتك عشان القرش ده !!!
موقف - 5 -
راجل فلاح بيبيع المحصول بتاعو...سمع ان فيه مبيدات ورش
بيخلوا المحصول يطلع بسرعه البرق ويكون شكلو تحفه
يرش الفاكهه بتاعتو...ويبيعها في السوووق بسرعه نااار
والناس ياعيني يشتروا الفاكهه اللي شكلها يجنن دي !!
مع العلم ان الراجل ده بيكون شايل شويه فاكهه مش
مرشوشه لنفسو ولاسرته على جنب
الرش اللي الراجل رشو ده كلو كيماويات
يعني كانسر علاطول !!!
هو مصر انتشر فيها الكانسر من شويه ؟؟؟
صاحب الفاكهه عارف انها مضره...
والدليل الفاكهه اللي مش مرشوشه
ومتشاله على جنب دي
بالعربي كده يعني
تبوظ في الناس.... في دااهيه
هو مالو !!
كل اللي يعرفو انو كسب دهب !!
ومظبط نفسو وشكراً على كده
باع ضميره ودينه وآدميته...اصاد الفلوس والربح !!
موقف - 6 -
ختامه مســــــك
الرؤساء العرب باعوا ضمائرهم ( مش كلـــــهم ) وباعوا احساسهم بغيرهم
كل اللي بيحسوا بيه هو الكرسي اللي هم قاعدين عليه
ومكلبشين فيه باديهم وسنانهم ومستعدين يتقتلوا عليه
مش مهم التمن....
شعــــــــــــــــــــب كـــــــــــــامل يتــدمر
مش مشـــــــكـــــــــله
المهم الكرسي !!
يبيع البــــــلد كلـــــها
بردو مش اشكال
المهم الكرسي !!
وماادراك ماامتيازات الكرسي ده !!
هم يعني بيكلبشوا فيه من شويه ؟؟؟
المــــواقف كتيييره اوي حوالينا
لو ركزت لمده ساعه في الوضع اللي حواليك
هتلاقي الضمير ده بقى كلمه وخلاص ماحدش فاهم معناها
اساساً للاسف
الضمير ده يشمل دينك واخلاقك وانسانيتك واحساسك..
لو ضاع او مات...خــلاص انــسى...كلو هيـــمــوت !!
وللاسف كل اللي بيبيعوا ضميرهم دول بيبيعوه عشان حاجات
فانيه كلها ومنتهيه !!
ضميرك لسة صاحي وللا الله يرحمه ؟؟؟
رد مع اقتباس
المفضلات