الفارة المغرورة...............
مرة كان فيه فأرة ..حاطة فى دماغها انها جميلة جدا وانها افضل من كل صديقاتها ..وانها وانها وانها ....
وفى يوم راحت تتمشى .......فوجدت قطعة معدنية من النقود ..
فرحت جدا جدا ......قالت انا حشترى حاجة حلوة..ليا ولأصحابى .
وبعدين قالت ..طيب ولأصحابى ليه ؟؟ لا ..ليا لوحدى
...وبعدين قالت ..لا لو اشتريت جيلاتى ...حاكله ومش حاتفضل سعادتى بالفلوس
...فكرت وفكرت ...وقالت انا حشترى شريط جميل لونه روز ..واضعه فى شعرى ....
وقفت فى الشباك سعيدة قوى بنفسها ......
مرت الفئران ...قالوا لها يافأرة انتى جميلة جدا .....بصت لهم وقالت لهم مانا عارفة .
مر الكلب وقال لها يافأرة شكلك رائع ..تتجوزينى ؟؟؟
قالت له سمعنى صوتك .....راح هوهو ......قالت له صوتك مزعج ..
مر الحمار قال لها شكلك جميل قوى ...تتجوزينى ؟؟؟
قالت له غنى لى ......غنى لها .....قالت له صوتك وحش جدا وابعد عنى ...
مر الديك وقال لها انتى جميلة جدا تتجوزينى ؟؟؟
قالت له ايه ميزاتك ؟؟ قال لها اصحى الكل فى الفجر واقول كوكو
كوكو .........قالت له انت مزعج ..انا ذنبى ايه اصحى بدرى وانا بحب النوم .....
مر القط ....وقف قدامها .......قال فيها شعر ...قال لها جمالك محصلش ...تتجوزينى وانا حارقص لك واسليكى ...
ضحكت بكسوف ..ووافقت .......وذهبت معه .....
كان يضحك ويتنطط ........وهو بيستعد ياكلها ..
وراح آكلها هممممممممممممم
توتة توتة خلصت الحدوتة
************************************************** *****************
بنتى بقى بعد ما حكيت الحدوتة دى ومثلتها كمان
قالتلى ::::::::::::::::::::::ايه يا مامى ده فار ايه وقطة ايه بس ...............
يالا يا مامى كويسة كويسة
رد مع اقتباس
المشاركة الأصلية كتبت بواسطة lionking
.gif "50 (8)")
المفضلات