الحر و عمايله
اخوانى و اخواتى
بمناسبة الصيف هنتكلم شويه عن سخونة المحرك و نقول الاسباب فى شكل متتابعة
يعنى من الاخر ايه اللى تعمله بالظبط لو عربيتك بتسخن
1- التأكد من استكمال الدوره و ده ببساطة لما تكون العربية سخنة نجس بأدينا الرادياتير لو كان بارد يبقا الدوره فيها انسداد غالبا بيكون من الترموستات و عدم وجود فقعات هواء داخل الدوره و دى بمعرفة الميانيكى
2- نبص على مستوى المياه فى الرادياتير و القربة او فى القربة بس لو مفيش غطاء للرادياتير
3- نتأكد من عمل المراوح و ده بملاحظتها اثناء ارتفاع الحراره و لو مش شغاله نصلحها
4- لو مستور المياه سليم و المراوح شغاله يبقى نبص على المياه نفسها لو فيها صدا كتير يبقا الدوره محتاجة للتنظيف و ده بيتم ببساطة فى البنزينة
5- طايب نظفنا الدوره او هيا اصلا كانت نظيفة ولسة العربية ببسخن يبقى الشك بعد كده فى الطلمبه و دى نكشف عليها عند الميكانيكى
6- انسداد الشكمان بعد كده ممكن يكون مؤثر شويه فى السخونة و لاكن ده يتعرف بسهوله لانه بيكون مصاحب لضعف شديد فى السحب و احيانا صوت غريب و احيانا توقف عمل المحرك
ملاحيظ هامة
-ممنوع فتح غظاء الرادياتير و العربية سخنة
- يفضل تنظيف الدروه فى دخلة كل صيف
- استخم المياه الخضراء او الحمراء و تأكد من عدم وجود تسريب فى الدوره
- تاكد من سلامه مؤشر الحراره قد يكون تالف و يعطى قراءه زيادة او ناقصة
- أوقف المحرك اذا تخطى المؤشر المنطقة الحمراء حفاظا على سلامة المحرك
و ربنا يسترها علينا جميعا
رد مع اقتباس
المفضلات