خدمة يا اهالى اكتوبر

[a7md7mdy]

السلام عليكم ورحمة الله و بركاتة
اولا انا بجد مبسوط اوى بالفكرة الجميلة بتاعة المنتدى الجامد دة
انا اخوكم احمد 30 سنة مدير عمليات فى شركة شحن فى دبى
عندى شقة فى الحى الخامس يعنى جار جديد ليكوا
المهم انا عايز منكم خدمة او بصراحة هما خدمتين
الاولى انا عايز اعرف معلومات عن شقق البشاير لو حد يعرف , انا محتاج واحدة 109 متر و تكون متشطبة كويس بس بشرط تكون متسجلة عقاريا لانى هاخدها عن طريق التمويل العقارى ان شاء الله
ثانيا لو فى حد معانا شغال فى بنك او يعرف حد فى بنك يقدر يجاوبنى عن السؤال الاتى :
اية احسن مكان يقدر يدينى تمويل عقارى هل البنوك و لا الشركات الخاصة من حيث المدة و سهولة و سرعة الاجراءات و فايدة قليلة
معلش انا عارف ان طلباتى غلسة

[haytham69]

أنا كمان جديد في اكتوبر و دورت لغاية ملقيت المنتدى ده قلت يديني فكرة عن أحوال أكتوبر و أكيد بنلاقي ناس تجاوب على استفساراتنا. أتمنى حد يرد عليك قريبا و أتمنى المنتدى هذه يستمر و يتطور و يكبر.

[a7md7mdy]

للأسف مفيش حد يرد علينا

[محمود التهامي]

للأسف والله يا استاذ احمد كان نفسنا نخدم ونقدر نجاوبك
لكن فعلا سؤالك صعب
والدليل انه فيه اكتر من 35 مشاهدة لموضوعك ومفيش رد على اسئلتك

انا عن نفسي بقالي 20 سنة في 6 أكتوبر
ورغم كدا معرفش اي معلومة عن البشاير ولا حتى مكانها

كمان حكاية التسجيل و التمويل العقاري

المفترض ان كل انشاءات اكتوبر مسجلة عقاريا

واي شقة في عمارة خاصة تقدر تشتريها بنظام التمويل العقاري
لكن معرفش نظام البشاير ايه
يعني هل هي خاصة زي الحي الاول وحتى الخامس مثلا
وللا مشاريع وتعاونيات زي الاحياء من السابع للـ 12 يعني

عشان كدا مش هقدر افيدك