يا ريت اى حد يساعدنى
انا اسمى اشرف من بورسعيد و لسه مشترك فى منتدى 6 اكتوبر جديد عارفين ليه ؟؟؟
علشان انا قدمت على شقه تبع مشروع مبارك لاسكان الشباب فى حدائق اكتوبر بس عندى مشكله يا ريت حد يساعدنى فيها
الموضوع ان انا قدمت على شقه فى مشروع اسمه كومباوند جنى جرين تيع شركه اسمها خليجيه فى الشيخ زايد امام كوباوند بل فيل
طبعا ده عنوان الشركه انما عنوان المشروع زى ما قولتلكوا فى حدائق اكتوبر
المشكله انى و انا رايح اشوف الموقع على الطبيعه السيلز اللى كان معايا ودانى من طريق غريب بيقولى معلش انا جبتك من هنا علشان الطرق التانيه وحشه و هاتكسر العربيه ..... قولتله ماشى
ولما رجعت بورسعيد فتحت جوجل ايرث انا عندى اخر اصدار منه و كمان فتحت موقع الويكيمابيا ماعرفتش اوصل لشقتى مع انى شوفت على الموقع كل الشركات اللى انا فعلا عديت عليها مع السيلز انا عديت على كشك الكهربا و مشروع دجله جاردنز و دول قريبين من شقتى بس الصور اللى فى الجوجل كلها 2009 و مش عارف اطلع شقتى لغايه دلوقتى كلمت الشركه سالتهم ايه اقرب مشروع ليه علشان ادور عليه مدير المبيعات قاللى مشروع dma قلبت الدنيا عليه بردوا مش ظاهر على الجوجل و لا الويكيمابيا كلمته تانى قاللى احنا قطعه رقم 19 فى المنطقه الرابعه دورت مالقيتش القطعه رقم 19 بس لاقيت المنطقه الرابعه بس طبعا كبيييييييييييييييره اوى و انا مش عارف انا بيتى فين بالظبط يا ريت لو حد يعرف الكومباوند الجديد ده يساعدنى هو على العموم لسه تحت الانشاء هما عمارتين بس و احده كانت طلعت دورين و التانيه دور واحد الكلام ده من تقريبا 20 يوم و بقالى 20 يوم كل يوم بدور و مش عارف اوصل نفسى اعرف المكان من على الجوجل ايرث او الويكامابيا وهاكون شاكر جدا جدا جدا للى هايساعدنى و ده رقم تليفونى 0101010832 ده اميلى [email protected] و لكم جزيل الشكر و الاحترام
رد مع اقتباس
المفضلات