تفرقة عنصرية ... ام زباله
تفرقة عنصرية .. اهـ بازبالة
كتير مننا بيواجه مشكله
التفرقه العنصريه الغبيه من ناحيه
الوظيفه - الشهاده
خليك معانا وتعالي نحل المشكلة سويا
مثال بسيط ...
مودى شاب مجتهد ف دراسته
كان ف ثانوى صنايع قسم حاسب الى
تخصص جميل و شهاده متوسطه معترف بيها و تحترم
من اولى ثانوى و هو بيصرف ع نفسه
لظروف معينه ف المعيشه و الحياه
كافح و كمل لحد ما خلص ال 3 سنين و إتخرج
بقى معاه ( دبلوم حاسب الى )
و اخد كورسات طول فتره دراسته
و بقى عنده خبره كبيره ف مجال تخصصه
إتخرج و بص ع الدنيا حواليه
لقى إنه مفروض يخلص ورق جيش
وشويه اوراق تانيه عشان يشتغل ف وظيفه كبيره
قرر انه لحد الوقت دا
إنه يشتغل ف اى مكان
إشتغل حاجات ملهاش علاقه بتخصصه اصلا
( ف معرض تحف - شركه شيبسى - مندوب مبيعات )
حاجات اصلا الاسم انه شغال فيها شكلا
بس ملهاش علاقه بيه ولا بتخصصه
ومع ذلك ...
ولا عيب ولا حرام !!!
الرسول عليه الصلاه و السلام قبل اليد الى بتعمل
العمل عباده
احسن ما اقعد و استنى حد يدينى و يعطف عليا
العيب و الغلط و قله القيمه
انى اكون شحط و متخرج
سواء بكمل ف كليه او مش بكمل
انى امد ايدى لوالدى و اخد منه المصروف
او والدتى الى مفروض اريحها من همى
اقولها هاتى فلوس انا رايح الكليه
دا بجد الى عيب
لحد ما هتجيلى وظيفه مناسبه بعد ما اخلص ورقى
انا بشتغل اى شئ شريف و ييجى قدامى
المهم انى شغال
ف النهايه كنت شغال ف شركه
استيراد اكسسوارات كمبيوتر
وحاليا إداره سيبر و صيانه
و ربنا يسهل و الامور تمشى تماااام ...
خلاصه الكلام عشان ف واحد بيشتم من بعيد
وبيقولى هتحكيلنا قصه حياتك
اهو إذا كان عاجبكم يا ولاد ال شعب
يعنى برده مثال تانى ...
بتاع الزباله الى بيجيلى المحل
معاه بكالريوس تجاره
اه متستغربوش
شاب 24 سنه متخرج من فتره
و شغال ف شركه بيلموا زباله
بغض النظر عن كونه معاه شهاده
تعتبر مؤهل اكبر منى
بس شغال زبال
تفتكروا ليه !!!
الموضوع بجد كبير
ومش اى حد معاه شهاده اعلى من التانى
يبقى كدا هو احسن منه !
ومش اى حد شغال وظيفه اقل من حد
يبقى هو اقل منه
دا تفكير الاغبياء فقط ...
لكن الموضوع له ابعاد تانيه
ميفهمهاش الا من له عقل و قلب سليم
وطبعا كلنا عارفن التعليم ايه ف مصر
قلم كتاب كراسه دح دح
مبروك بقى معاك بكالريوس
بساله بقوله طب ما ف مليون وظيفه
انت ليه اشتغلت دى
وضحلى ان مكسبه وهو زبال
احسن من مكسبه ف اى وظيفه تانيه
وان الشكليات ملهاش معنى عنده
الى ليه معنى انه يمد ايده لحد و يقول محتاج
وانه يستنى مصروف من بابا او ماما
و يبقى عويل وعالة علي الاخرين
و كلمه انا قلتهاله ...
سيد القوم خادمهم
ولو انت غيبت عنى يوم
المحل بيبقى مليان زباله
ومبعرفش اتصرف
يبقى انت مهم جدا بالنسبالى
ولكل واحد دور ف المجتمع
لو كلنا بقينا مهندسين و معانا بكالريوسات
مين هيشتغل سباك
ويعملنا حنفيه ف بيتنا نشرب منها
مين هيشتغل كهربائى و ينورلنا الشقه
مين و مين و مين !
المهندس = الدكتور
= الظابط = الزبال = السباك
مش معترف بحاجه اسمها تفرقه طبقيه
او مقامات و الكلام دا
ع كدا ربنا كان خلى الانبياء
الى هما اعلى من كل البشر مقام و مكانه
كان خلاهم يدوسوا ع رقبتنا
لكن بالعكس ...
كانوا اشد الناس تواضعا
احنا بقى بشهاده او غيره
هنبقى احسن منهم
كلها دايره و بنحتاج بعض
مش عيب ابقى معايا بكالريوس و اشتغل سباك
ومش عيب ابقى معايا دبلوم و اشتغل طيار
دى بتبقى ميول و هوايات و مهارات
و الى بيجيد شئ يعمله و يظهر فيه
بالفعل مش بالشهاده
احسن ما اقعد اقول انا معايا بكالريوس
من انتم من انتم
وبعديها بشويه اتصل ببابى انا عاوز مصروف
كلمه بقولها دايما بتهريج
بس لو فهمتها بجد هالاقى معناها كبير اوى
العلم ف الراس مش ف الكراس
ياما متخرجين و بكالريوسات هندسه
ميفهموش حاجه ف تخصصهم او ف الدنيا عموما
تنابله دح كل هدفهم شهاده و مسميات
و تلاقى دايما الفخر العقيم باللا شئ ف كلامهم
انا معايا شهاده كذا إنت مين
ودول غالبا بقولهم اغسلوا ...
سنانكم و تعالوا
او بكتفى بحمرا و بببقى مؤدب
وياما ناس مدخلتش مدارس اصلا
ودماغها و عقلها و تفكيرها عموما
يوزن الف واحد مهندس و متخرج
ف النهايه عاوز اقول ان البشر دول كلهم واحد
لا فضل لعربى ع عجمى الا بالتقوى
ف تفكيرى و رأيى ...
ان الشهادات و الوظيفه واى مسمى تانى
دى مبدأ الضعفاء و الاغبياء
و اى حد بيحسبها كدا
وبيتنطط ع حد اقل منه
شهاده او مسمى او وظيفه !
وارد جدا انه يكون دا اعلى منه عقلا و فكرا
يبقى كل واحد يمثل دوره و مهمته ف الحياه
ف صمت و سكون
بدون ان يضر الاخرين او يتنطط ع حد
لان دا بتكون نهايته ذى سليمان الحلبى
ونعم الباذوق
أسالتى ليكم
عمرك حسبتها بمبدأ التنطيط ع الاقل منك
شهاده او وظيفه ؟
شايف لازم التفرقه بين الناس
المقامات محفوظه و الكلام دا ؟
كلمه تقولها لاى حد بيعمل كدا ؟
ياترى بتعامل الذبال ذى المهندس
ولا برستيجك ميسمحلكش ؟
لو اتقدم ليك زبال هتوافقي ؟وانت ترضي تشتغل زبال ؟
رأيكم إيه ف الكلام دا ؟
رد مع اقتباس
المفضلات