الناس دى كدابه ليه .............

[خلود]

بسم الله الرحمن الرحيم
السلام عليكم ورحمة الله وبركاته

طبعا كلنا بنكلم ناس علي الميل .. فيه مننا اللي بيكلم أهله واللي بيكلم صحابه من ايام المدرسة او الكليه أو جيرانه ..

وطبعا دي ناس بنكون عارفينهم كويس .. انما النوع التاني من الناس ..

سواء مثلا عرفناهم من منتدى او من اي مكان علي النت ..

الناس دي في البداية دايما بتتجمل وبتظهر كأنها ملايكة بجد .. وتوهم والواحد ان بجد ده من المصطفين الأخيار ..

ومرة مع التانية ومواقف بتعدي .. نبدأ نكتشف ان الملايكة دي مش بني آدمين من الأصل ..

نكتشف كدب .. وخداع .. وأخلاق مش كويسة ..

أكيد كلنا بنتصدم .. وردود افعالنا بتختلف ..



السؤال هنا ؟؟

هل قابلت الموقف ده قبل كده ؟؟

ليه الناس دي بتعمل كده .. ليه الكدب دايما بيكون طبعهم ؟؟

هل ممكن تأمن لحد بعد كده انت مش تعرفه ويمكن مش شوفته .. وتسلمله اسرارك .. او حتى قلبك ؟؟

[ahmedabdelziem]

يووووووووووووووووووووه
بنقابلهم كتير اوى
وبعدين ده بقا عرف فى حياتنا كلها
مش النت بس

[اميرة حبى انا]

الموضوع ده قلب معايا
بمعنى انى مش بصدق حاجة خاااالص على النت ولا حد

[قموره]

لا طبعا مافيش امان خالص لانه عالم افتراضى صحيح بنتكلم ونتناقش لكن الحياه والعيشه حاجه تانيه

اكيد اكيد ناس كتير بتتجمل وده لانهم عارفين ان محدش شايف حد

[lionking]

موضوع رائع يا خلود

اللى بتتكلمى عنه ده كلنا شفناه

وده مش معناه ان الناس بس هيا اللى بتتجمل ده دليل على ان احنا كمان كده

لكن مع الوقت والعشره

كل واحد بيبان على حقيقته

يعنى لازم اى حد يمر بالتجربه عشان يوصل للحقيقه