ق صيدة كتبتها منذ فترة قبل انتخابات الرئاسة فى فترة أنقطاعى عن المنتدى وقصائد اخرى سوف ننشرها لاحقا ان شاء الله . الى وطنى الحبيب مصر الغالية .
******************
مصر ياست الكل ياطاهرة
هم أولادك رايحين فين
أحنا بناخدك خطوة لفوق
وهما بيرجعوا بيك سنتين
هم أولادك رايحين فين
ننسى وجعنا
جو دموعنا
ولما رجعنا بشوق وحنين
سرقوا الضحكة
سدوا السكة
قالوا كفاية قولوا آسفين
ثورة مين اللى عملتوها
دا أسمه اللعب مع الشياطين
هم أولادك رايحين فين
شوفوا حياتكم
شوفوا أولادكم
سيبوا الثورة نظبتهلكم
أحنا كمان سيد العارفين
لقمة هنية
كفت ميه
ناموا وأحلموا
قولوا أمين
سيبوا الهم كمان لصحابه
وجربوا بس كمان ثلاثين
ثلاثين سنة بيعدوا بسرعة
وأن معجبش الحال وياكم
أنزلوا وأقفوا فى الميادين
أنزلوا وأقفوا في الميادين
......
داحنا الأومـرة وأنتوا الشعب
واللى عملتوه لعب فى لعب
دى مش ثورة
بس منورة
كل حياتك ملكنا أحنا
لقمة عيشك حتى أولادك
ملك أسيادك
أحنا أسيادك
روح أتفرج ع القنوات
وألعب على كل الشهوات
وأوعى تفكر بس كتير
أوعى تفكر بس كتير
***
لكن أبدا مش هنسبهم
مش هنسبهم
يلعبوا بينا
حد ملاحظ فيه تغيير
الأحوال بقت أسوء وأسوء
ولا فرقتشى الثورة كتير
بص وشوف .. بص وشوف
أنسى الخوف .. أنسى الخوف
صوتك ملكك بس أمانة
ولا تقبلشى بأي خيانة
أبعد بيه عن أي فلول
أبعد بيه عن أي فلول
ويوم الدين أنت المسئول
يوم الدين أنت المسئول
...........
مصر ياســت الكل
رد مع اقتباس
رد: مصر ياســت الكل
المفضلات