بحبك بحبك بحبك بحبك يامصر يابلدى
***************
انا واحد من افضل واجمل واروع شبابك
وميهمنيش لو هاموت على بابك
المهم تعيشى يامصر حرة
انا ضحيت زمان و تانى مستعد عشانك
عمرى كله فدا وجودك و كيانك
المهم تبقى يامصر مستقرة
انا ياحبيبتى الا طول عمره يغنى باسمك
الا راسم على قلبه و جبينه رسمك
الا عاش زمان ليالى سنين مرة
انا الا غنى اسمك الغالى فى المواميل
و حب الصبح فيكى و عشق الليل
مانتى اجمل نقطة فى المجرة
انا الحفيد و الابن و الاب و الجد
وعاشق سماكى و ترابك و هواكى بجد
و اموت عشانك مرتين مش مرة
انا الا طحنوه فرموه عجنوه و عيشوه العذاب
انا الا اتسجن فى سجن من غير باب
ولا عمره فكر يهاجر برة
انا حبيبك الا العشق مبهدله و برده بيحبك
و مهما يحصل فيكى هايفضل على دربك
ياعشق المحبين يابيضة ياسمرة
انا مش لوحدى انا واحد و معايه ملايين
كلنا ياغالية باشارة مستعدين
نحول الصحرا لارض خضرة
انا و مين انا لو مكنتيش فى قلبى
انا و مين انا من غير وجودك جنبى
انا و مين انا من غير ماتكونى حبى
بحبك بحبك بحبك بحبك يامصر يابلدى
بحبك بحبك بحبك بحبك يامصر يابلدى
رد مع اقتباس
المفضلات