طلب صغير والله

[lionking]

بسم الله الرحمن الرحيم

موضوع رخم اوى والله

بس عايزين نتكلم فيه ونستحمل غلاسة بعض وامرنا لله

ندخل فى الموضوع

دلوقتى كلنا كنا مكبوتين ومخنوقيين وعايشيين بنقول ربنا كريم وهيفك كربنا قريب

والحمد لله ربنا انعم علينا بثورة مجيده

ثورة الشباب

ثورة 25 يناير

االثورة اللى قامت عشان نخلص من الظلم والاستبداد والفرعنه

وتقريبا نجحنا فى اننا نشيل راس واحده من رؤوس المصايب دى كلها

بس حصلت حاجة غريبة اوووووى


انا هتكلم عن وجهة نظرى فى الموقف ولكل منكم رايه الذي يحترم

طبعا انا هبدا اهرتل دلوقتى معلش استحمولنى شويه

دلوقتى الشعب منقسم الى 3 اقسام من ايام الثورة

1.. شباب الثورة والناس اللى شاركت فعلا فى الثورة بالنزول للميادين والشوارع

2.. جزء فضل المتابعة والتشجيع او النقد من المنزل وهما اللى اطلق عليهم اسم الكنبه

3..جزء كان ولازال رافض للثورة وخايف من اللى هيحصل ومحب للنظام الفاسد


هنسيبنا من الجزء الاخير لانه لا يمثل شىء من وجهة نظرى ولا يملك الا الدموع والعويل على الزمن البائد


خلونا فى القسمين المهمين

الكنبة دول دلوقتى اصبحوا كلهم بيفهموا فى السياسة وفتايين اوووووووووووووى لانهم كانوا بيتابعوا عبر الشاشات
دول عسل اوى والله

حزب الكنبة دول بأه اللى ودونا فى داهية من اول الاستفتاء لغاية انتخابات الرئاسة
لانهم نزلوا بالعند فى الثوار وكانت اختياراتهم كلها عند فى عند مش اكتر وعشان مبدا نخلص بأه من الهم ده


الناس دى كانت رافضة التحرر والفكر الجديد ودلوقتى انضموا للقافلة

واهلا وسهلا بيهم بس للاسف بيفكروا فى الديموقراطية بنفس الطريقة القديمة


ليه اتفهمت الديموقراطيه عندهم بانها ما اخذ بالقوة لا يسترد الا بالقوة

ليه الشعب حصلوا صرع وجنان قطع الطرق

محدش يقولى دول الثوار

دول دخلاء على الثوار ..... لان الثوار شفناهم وعرفناهم فى التحرير وفهمنا دماغهم واسلوبهم

الثوار اكثر من يحترم الصناديق ولكنه يحاول ايصال صوته للشعب المغيب

الثوار من حقهم استلام الحكم وليس الاخوان

الثوار فقط من حقهم تقييم الموقف

من مات صديقه بطلق نارى ومن انتهك عرضها فى التحرير ومن اصيبوا بالخرطوش هم اولى الناس

بالحديث عن الثورة والمستقبل

لانهم باختصار هم من صنعوا التاريخ وخطوه باناملهم وعطروه بارواحهم



طلب صغير

من حزب الكنبة اصدى اللى كانوا حزب كنبه ودلوقتى شايفيين نفسهم ثوار

ارحموا الثورة والثوار الحقيقيين واعطوهم الفرصه ليشرحوا لكم الموقف


طلب صغير اوى

كل واحد يشغل عقله شويه ويبطل يختار المبنى على الحب والعشق للشخص

طلب صغيراوووووووى

نبطل نفتى فى اللى منعرفوش ونتعلم دهاء ومكر السياسة


طلب صغير اوووى اوووووووى

ياريت حماس وشعلة الثورة اللى فى نفوسكم تفضل مشتعلة وتكونوا على استعداد للمشاركة الفعليه وليس الانتقاد عن بعد

طلب صغنووووووون

ليه البلطجة بقت سمة الشعب المصري

طلب صغنوووووووووووون

نحاول نبطل عصبيه ونسمع بعض عشان ربنا ادانا ودنتين عشان نسمع اكتر ما نتكلم ونزعق

[قموره]

انا شايفه ان الشعب كله بقى مسيس بمعنى اتعلم سياسه كلو بقى بيتكلم فى السياسه الجاهل والمتعلم الصغير والكبير فى كل مكان فيه حوار سياسى وفى نقد لاحوال البلد ما بين مؤيد ومعارض مابين راضى عن مرسى ومرحب بيه ولاعن لمرسى وللى جابوه

اهم فقره عجبتنى فى موضوعك اننا نبطل عصبيه ونسمع بعض وللاسف ده بقى نادر جدا وكل واحد عايز يفرض رايه بالصوت العالى او الزعيق واحيانا بكلام جارح

انا نقاشى وصل فى وقت من اوقات مع اختى لحد الخصام والقطيعه بسبب اختلافنا فى الرأى

جميل موضوعك ليون واتمنى نبعد عن التعصب للرأى الاوحد وفهم وتعقل الامور بالعقل اكتر

تحياتى لكى

[lionking]

يا قمورة انا خسرت ناس كتير بسبب السياسة دى
وعلاقتى باظت بناس كتير اووووووى

والمصيبة انى اكتشفت انى ليا خالات وعمات من الفلول المتأصلين ومش هقولك ع اللى جرى بأه

[fagrmasr01]

الثوار اكثر من يحترم الصناديق ولكنه يحاول ايصال صوته للشعب المغيب

الثوار من حقهم استلام الحكم وليس الاخوان

الثوار فقط من حقهم تقييم الموقف

من مات صديقه بطلق نارى ومن انتهك عرضها فى التحرير ومن اصيبوا بالخرطوش هم اولى الناس

بالحديث عن الثورة والمستقبل

لانهم باختصار هم من صنعوا التاريخ وخطوه باناملهم وعطروه بارواحهم

مع الأسف الشعب
اكثر من ثلثه لا يقرأ ولا يكتب
أكثر من نصفه تحت خط الفقر بمراحل
99% من الشعب بيتعاطى السياسة (الحقيقية) لأول مرة فى تاريخه القديم والحديث

وفى المقابل فان قوى الثوة المضادة بتخطط وبتنطط فى كل الساحات .. وتتسلح بكل العتاد اللازم للمواجهة سواء النفسية او الجسدية او المعنوية .. فلوس وإعلام وقوى بشرية مدربة وعندهم خبراء على اعلى مستوى

ولهذا فلا يجب ان نتوقع أن يتم حسم المعركة بسهولة ولا حتى فى وقت قصير

لكننا أبدا لا يجوز لنا ان نتراجع عن الاختيار الصح

الثورة إرادة .. لا ولن تموت حتى وان خفت أنوارها

[fagrmasr01]

ويبقى ضوء المثقفين .. الثوريين .. الشرفاء

الذين أشعلوا أولى شعلات الثوة وحملوا مشاعلها

وأضاءوا طريق الثورة مضحين بالدم والروح وبكل غالى فى وقت عز فيه العطاء

الى ان اختطفت الثورة تلك الجماعة لتى هى فى كل خطواتها تجيد ببراعة الخضوع للعسكرى لدجة انهم لا يهمهم ضمير ولا يردعهم شرف الأمة ولا أمانة الضمير .. لم يحركهم البنات اللى تمت تعريتهم علناً ولا البنات اللى تم اعتقالهن
لم ينطق صوت الضمير فيهم وهم يرون المعتقلين الشرفاء من الثار فى السجون وقد لفقت لهم قضايا وحوكموا محاكمات عسكرية

فان سادوا المجتمع يوماً أو تصيدوه ..
وان خدعوا البسطاء مرةً بالخوف ومرة بالتجويع ومرة بقطع الماء او الخب او البنزين او الكهرباء عن البيوت

فلن يستمر نجاح الخداع
كنا نرفض الظالمين علناً ونلعنهم فى أيام مبارك
ولن نصمت ولن يقهرونا فى ايام حلفاء او خلفاء مبارك

قدر هذه الأمة ان يستمر شرفاؤها ( وإن كانوا قليلين) فى حمل المشاعل
وباذن الله حتى النصر او الشهادة

أعتذر عن الإطالة
فالأوجاع أشد وأكبر مما يمكن تحمله بالصمت
خصوصا مع موضوع فى مثل هذه الروعة