ممكن تقول انك بتحبنى
انا مش بتاعت مظاهر!!
المقصود بأنك تحبنى أدام الناس هو انك تقدملى بوكيه ورد بسيط أدام الناس او واحنا أعدين فى مكان ومعانا أصدقاء ممكن تمسك إيدى ومتقوليش “ما أحنا عندنا بيت أمسك فيه إيدك زى ما أنتى عاوزة” ليه ياعم هو انا قولتلك بوسها فى الشارع؟!!
أوقات كتير تصرفات صغيرة منك أدام الناس بتحسس الست انها مهمة بالنسبالك ومتقدرة مش بينك وبينها بس…لمسة بسيطة على كتفها…همسة سريعة فى وسط الزحمة بدون توقعها تقولها فيها بحبك..او حتى طبطبة حنينة.
وأنتم فى تجمع عائلى مش معقول كل مرة تقولوا نفس الكلام “العيشة غالية” ”هو مش مقدرنى” ”يا مفترية اهى اللى أودامك دى مافيش طلب بيترفضلها”
ليه ميبقاش الكلام “ربنا يخليهالى مش عارف من غيرها كنت عملت ايه فى العيشة الغالية اللى احنا فيها؟” “هو انتى فيه حد زيك يا مزة” مع اختلاف الثقافات والالفاظ مع غمزة عين هيا تفهمها..صدقنى بتفرق كتيييييييير .. تعرف..؟ لو هيا ست مفترية , الكلمة او الحركة هتفرق معاها وهتكسفها من نفسها وهتقدرلك انك عززتها ورفعتها أدام الناس.
البنات بتختلف عن بعض يعنى ممكن واحده مايفرقش معاها الكلام ده وتشوف ان دى كلها مظاهر ملهاش تأثير وواحدة تانية يفرق معاها كتير انك تفتحلها باب العربية وتكرمها زياده شوية أدام الناس وبالتالى افهم حبيبتك كويس واعرف ايه اللى بيفرحها وأعملهولها ..
الست من المخلوقات اللى من السهل انك تملك عقلها بشوية بكش وكلام
وحركات…وفيه مقوله عجبتنى اوى بتقول: “الرجل العادى تغار حبيبته من الفتيات اما الرجل العاشق تغار الفتيات من حبيبته”.. عايز تبقا عادى ولا عاشق؟
رد مع اقتباس
المفضلات