دوووووووووس على كل الصعب
من أروع ما كتب الشاعر عبدالوهاب محمد ( الشعر بالعامية )
قوم بايمان وبروح وضمير
دوووووووووس على كل الصعب وسير
حق بلادك وحده عليك
عايز منك سعي كثير
دوووووووووس على كل الصعب وسير
ادي لعملك جهد زياده
ده الاخلاص بايمان وعباده
قوم بايمان وبروح وضمير
دوووووووووس على كل الصعب وسير
ابني وزود من امجادك
ابني لوطنك ولاولادك
فكر ابحث ازرع صنع
كل مجاهد حينول امله
ربنا مش حيضيع ابدا
اجر مكافح يتقن عمله
اخلق جدد انتج صدر
خلي بلادك تقوى وتكبر
قوم بايمان وبروح وضمير
دوووووووووس على كل الصعب وسير
ياللي بنيت الهرم
قبل الزمان بزمان
وبنيت لنا في عصرنا
السد في اسوان
كمل لمجد الوطن
وابني كمان وكمان
خلي الامل بالعمل
يصبح وجود ممدود
دا انت مفيش يا بطل
من معدنك انسان
قوم بايمان وبروح وضمير
دوووووووووس على كل الصعب وسير
كلنا جندي بكل ميدان
هنا وهناك وباي مكان
الزراع ويا الصناع
اهل العلم مع الفنان
زي ما لينا حقوق مشروعه
ندي وطنا حقوقه كمان
انوي سمي صلي كبر
توصل فوق المعجزه واكثر
قوم بايمان وبروح وضمير
دوووووووووس على كل الصعب وسير
رد مع اقتباس
رد: دوووووووووس على كل الصعب
المفضلات