رسالة

[DMR]

بصو بقى انا مش عارفة اقول المقدمة .. بقالي نص ساعة بفكر هكتب مقدمة ازاي .. و معرفتش .. فهدخل في الموضوع وش على طول
اولا .. اعتقد ان فيه اعضاء داخلين الموضوع على انه رسالة .. فأحب اقولكم لأ دي مش رسالة .. دي جمعية رسالة
بجد اليوم بيبقى جميل جدا لما بقضيه هناك في تعبئة شنط رمضان .. بتحس بجد برمضان .. بتحس انك بتفيد الناس و بتكسب ثواب .. الجو بيبقى حر جدا .. بس الوقت بيعدي بسرعة و مش بنحس بالحرارة

كله مبسوط .. عارفين ليه ؟؟ .. علشان دول متطوعين .. ناس رايحة برجليها و بإرادتها و هي اللي اختارت محدش غصب عليها و قومها بالجزمة الصبح علشان تروح .. ناس عايزة تعمل خير .. شباب فيهم طاقة .. فيهم حب ... فيهم خير
احب ادعوكم تشاركونا الجو ده كل يوم من الساعة 12 لحد الساعة 5 طبعا تعالو في اي وقت مش لازم الساعة 12 و بردو امشو في اي وقت .. حتى لو هتعدو ساعة بس .. هتفيدو ناس كتير
و فيه كمان قوافل بتطلع توزع الشنط دي كل فترة .. أتمنى بجد تشاركونا .. أتمنى تجربو .. و يا رب تنبسطو هناك .. اعتقد انكم عارفين مكانها .. اللي جنب حديقة الحصري

و على فكرة انا مش بقالي فترة كبيرة بروح .. بس بجد عجبني الجو .. و هتلاقوني كل يوم هناك بإذن الله
شاركونا و لو بدعوة حلوة .. و هذا أضعف الايمان
أحبكم في الله

[fagrmasr01]

الله يبارك لك يادى دى ويكرمك
العمل التطوعى فعلا شئ رائع وبيفيد الانسان نفسه المتطوع لأنه بينمى جوانا قيم التكافل والتراحم والتعاون
ربنا يكرمك

[lionking]

اكيد يا دىدى بتقابلى بنتى هناك

احسن هيا وصاحباتها بيموتوا فى رسالة والتعبئه كمان

اقولك على حاجة بنتى جربتها فى رسالة وعجبتها اوى

( الصيدلية ))

راحت ورصت الادوية ولما جالها ناس محتاجين ادتهم الادوية وكانت مبسوطة جداا ولما رجعت البيت فتحت درج الادوية وقعدت تجمع الادوية اللى مش بنستعملها خلاص وصلاحيتها مش منتهيه وودتهم هناك


شدى حيلك يا دى دى

انتوا شباب زى الفل وجدعان اوى

ولو عندك وقت جربى القوافل

احساس تانى خاااااالص

[DMR]

الله يبارك لك يادى دى ويكرمك
العمل التطوعى فعلا شئ رائع وبيفيد الانسان نفسه المتطوع لأنه بينمى جوانا قيم التكافل والتراحم والتعاون
ربنا يكرمك

الله يكرمك يا استاذ جمال و يبارك فيك .. كلامك صحيح
و اتمنى فعلا من الناس انهم يشاركونا
ربنا يجعله في ميزان حسناتنا

[DMR]

اكيد يا دىدى بتقابلى بنتى هناك

احسن هيا وصاحباتها بيموتوا فى رسالة والتعبئه كمان
اكيد هكون بقابلها لو هي بتروح و ممكن كمان اكون اتعرفت عليها ^_^
اقولك على حاجة بنتى جربتها فى رسالة وعجبتها اوى

( الصيدلية ))

راحت ورصت الادوية ولما جالها ناس محتاجين ادتهم الادوية وكانت مبسوطة جداا ولما رجعت البيت فتحت درج الادوية وقعدت تجمع الادوية اللى مش بنستعملها خلاص وصلاحيتها مش منتهيه وودتهم هناك

فيه انشطة كتير في رسالة حلوة اوي مش الصيدلية بس
شدى حيلك يا دى دى

انتوا شباب زى الفل وجدعان اوى
ربنا يخليكي .. دعواتكم دايما
ولو عندك وقت جربى القوافل

احساس تانى خاااااالص
رحت قبل كده .. فعلا احساس جميل رغم انها متعبة و ماما و بابا قالولي بلاش تروحيها تاني و القوافل احسن للشباب هما اللي يروحها فمروحتش تاني
بس فيه انشطة تانية كتير ممكن البنات يشتغلو فيها احسن لهم من القوافل

ربنا يجمعنا دايما على خير متوادين و متحابين .. و ربنا يجعله في ميزان حسناتنا