هو ليه بيحصل ده

**lionking** · 05-07-2012, 05:49 PM

تعالوا بأه لما نصدع بعض شوية

عايزة افهم يعنى ايه تطرف

من وجهة نظر كل واحد فيكم

وليه بيحصل تطرف فى الفكر او السلوك او الاعتقاد

مع العلم ان ديننا الحنيف يدعونا للوسطية

{كذلك جعلناكم أمة وسطاً لتكونوا شهداء على الناس}

ازاى نحمى نفسنا واولادنا وافراد مجتمعنا من هذا الداء

التطرف

هل ممكن نتحاور ونوصل لاسباب وطرق وقاية من هذا الشىء المسمى تطرف

طبعا الموضوع كبير ومحتاج اخد ورد كتير ونفس طويييييييييل

يلا يا رجالة مستنية اعرف رايكم فى الموضوع ده

**lionking** · 06-07-2012, 01:55 AM

ايه يا جدعان

عايزين نصدع بعض بالنقاش فى الموضوع ده

شدوا حيلكم شويه

**fagrmasr01** · 06-07-2012, 11:10 PM

موضوع بصراحة يستاهل تحية

لن أغلبنا تايه حاليا بين مجموعات كتيرة اوى جدا خالص من المتطرفين .. وعلى فكرة كلهم بيقولوا انهم هم اللى صح الصح

اما الفرق اللى علمهولنا الدين نفسه فو اننا أمة وسط لا نتشدد ولا نتطرف .. ولا نتساهل فنقوم بالتضييع

اما لماذا وصل مجتمعنا الى هذه الحالة الحادة من التطرف التى صاحبتها بالتبعية حالة من التشرذم قد تصل بنا الى احدى الحافتين
إما التقوقع .. بمعنى اننا سوف ننعزل عن بعضنا البعض ... وكل منا يتقوقع فى جزر منعزلة
وإما الصدام الذى قد يحرق الأخضر وليابس .. والسبب يكمن فى حالة القمع الفكرى والانغلاق والبعد عن مواكبة العالم .. والتى وصلت بنا الى حالة من الرعب كانت تمنع أغلبنا حتى من أن يقول رأيه او حتى يعبر عن شكواه .. ومع الغليان .. يزداد الخوف من الانفجار