نفسي الاقي اجابة

[lionking]

موضوع شاغلني جدا جدا

ارجوا ان احنا نتحاور فيه بهدوء

نسمى الله ونبدأ

دلوقتى احنا كنا شعب اخرص لا يملك القدرة على النقاش فى الامور السياسية

نظرا للقمع الفكرى والتعتيم المتعمد من النظام السابق بكل اركانه

وبالتالى ليس لدينا مفهوم عن الديموقراطية الحق

ولا ندرك معنى ليبرالية ويسارية واشتراكيه وكل المسميات التى قفزت الى اسماعنا منذ اندلاع ثورتنا المجيده

كل ما نعرفه ولا ندركه هو معنى اسلامى اخوانى سلفى

نعرفهم ولا نفهمهم

وطبعا ده برضو بيرجع للوضع الماساوى اللى كنا فيه

عايزين نعرف يعنى ايه حريه ؟ يعنى ايه ديموقراطية ؟؟

يعنى ايه تبادل آراء والتنازل عن رايى اذا كان غلط


الشعب دلوقتى عامل زى اللى كان فى جره وطلع لبره

او

شبعه من بعد جوعة

هي الديموقراطية اللى بنسعي ليها تشمل الاعتصامات والاضرابات وانتشار التوتر فى البلد وارهاق الرئيس محمد مرسي مع احترامى الكامل له واختلافى الكامل معه ؟؟

ليه الشعب فهم الديموقراطية على انها ما اخذ بالقوة لا يسترد الا بالقوة ؟؟؟

ليه اكتشفنا اننا مش صبوريين ولا عندنا احساس بالمسئولية ؟؟؟

ليه اكتشفنا اننا انانيين اوى كده ومش بنفكر غير فى مصلحتنا ؟؟

هل السبب بيرجع للقمع اللى كنا فيه ؟؟ ولا خوف الناس من الاخوان والسلفيين ؟؟

فى عندى اسئلة كتير اوى ومش لاقيالها اجابة بجد

لو ممكن نتناقش مع بعض فى الموضوع ده بهدوء لان اكيد كلنا حاسيين نفس الاحساس وعندنا نفس التساؤلات


وعلى فكره لغاية دلوقتى مش عارفة اكتب اسم للموضوع

[M.Khalifa]

منا من يتخذ من المرجعية اليسارية أوالقومية أو الليبرالية سبيلا
ومنا من يتخذ من المرجعية الاسلامية سبيلا
ولكن المؤكد أن هؤلاء الفرقاء لهم هدف واحد وهو الحرية والعدل
ولكن تختلف السبل ولا يسمع الفرقاء لبعضهم ولو سمعوا لبعضهم لتبين لهم أنهم أشقــــــــاء وليســــــــــــوا فرقــــــــــــــاء
والحقيقة هي أن أبناء التيار الاسلامي السياسي لا يريدون النموذج الايراني كما يدعي البعض ولا النموذج السعودي وكذلك من ينادون بالتحرر والانفتاح أيضا لا يريدون نشر الدعارة كما يدعي أيضا البعض
والمشكلة كلها تكمن في أننا نصارع بعضنا في وطن مازال قيد الأسر والاحتلال من نظام مبارك القمعي

[lionking]

منا من يتخذ من المرجعية اليسارية أوالقومية أو الليبرالية سبيلا
ومنا من يتخذ من المرجعية الاسلامية سبيلا
ولكن المؤكد أن هؤلاء الفرقاء لهم هدف واحد وهو الحرية والعدل
ولكن تختلف السبل ولا يسمع الفرقاء لبعضهم ولو سمعوا لبعضهم لتبين لهم أنهم أشقــــــــاء وليســــــــــــوا فرقــــــــــــــاء
والحقيقة هي أن أبناء التيار الاسلامي السياسي لا يريدون النموذج الايراني كما يدعي البعض ولا النموذج السعودي وكذلك من ينادون بالتحرر والانفتاح أيضا لا يريدون نشر الدعارة كما يدعي أيضا البعض
والمشكلة كلها تكمن في أننا نصارع بعضنا في وطن مازال قيد الأسر والاحتلال من نظام مبارك القمعي

المشكلة تكمن فى الصوت العالى

والصوت العالى فى بلدنا فى الفترة السابقة او اللى بيتسمع نظرا طبعا للجهل او الامية( احنا الشعب ) هو صوت الاسلاميين واستخدام المساجد والمنابر فى الدعاية المضاده لاى فكر غير فكرهم

وصدقنى ده مش تحامل على الاسلاميين لكنها حقائق

كلنا مسلميين وملتزمين وليس من حق ايا من كان ان يشكك فى دينى وانتمائي لكن للاسف هما بيدوا نفسهم الحق ده

وده اللى خرب الدنيا دلوقتى

يعنى مثلا الحادثة الاخيرة بتاعة الشاب اللى اتقتل فى السويس

ايه اللى لزقها فى الاسلاميين ؟؟

مش الدقون بس ابسوليوتلى

كل تصرفاتهم من اول ما شرفونا فى المجلس وكل مواقفهم خلت الناس عايزة تبعدهم وخلاص وما تصدق يتقال عليهم اى حاجة

اصبح هدف الشعب التخلص من الناس دى باى طريقة

[lionking]

بقولك ايه يا محمد

هو انت عندك اجابة للاسئلة بتاعتى الله يكرمك

[M.Khalifa]

الاجابة باختصار لكل أسئلتك هي دي يا ليون هي دي
(( والمشكلة كلها تكمن في أننا نصارع بعضنا في وطن مازال قيد الأسر والاحتلال من نظام مبارك القمعي ))