عــارفيـن أجمـل حاجه فى الدنيــا ايــه ..؟

[خلود]

عــارفيـن أجمـل حاجه فى الدنيــا ايــه ..؟

ان مـش كـل حاجـة بنتمنـاهـا وهانمـوت عليهـا فى الدنيـا .. بناخـدها ونتمتـع بيهـا فى وقتهـا .. لازم تتـأخر شـوية سـواء هانحـصل عليهـا فى الدنيـا او فى الأخـرة ..

اصــل النفـس البشـرية طبعهـا غريـب جداااا .. ماشـية بمبـدأ الممنـوع مرغـوب .. واذا حـصلت على الممنـوع والحـاجه اللى بتتمنـاها بيحصـلها نوع من التشـبع وحـب التمـلك .. وغالبــا بنفقـد قيمتهـا ل...مجـرد احساسنا بالحصـول عليهــا ..

علشــان كــده ربنـا عزوجـل خـلق فينـا ســر عجيـب وقـوة سحريـة مـش أى حـد بيقـدر يستخدمهـا ويحققهـا غيـر نـاس معينــة .. لو اتوجـدت جواك .. هاتقـدر وقتهــا انـك تاخـد الحـاجه اللى بتحـلم بيهـا ومـش بـس كده ..وكمـان هاتـزيد قيمتـها عنـدك كـل يـوم أكـثر من اللى قبـله ..

الســر هــو ( الصــبر مـع الرضــا بالنتـائـج )

لمـا تحـب من قلبـك بجـد ويسيبـك اللى بيحبـك ومايكونـش من نصيبـك وتصبـر وانـت راضـى .. يبقــى يابختـك . لمـا تتعـب ويجيلك مـرض صعـب شفاؤه فتصـبر وترضـى ..يبقـى يابختـك .. لما تتظلم وتقـف الظروف كلهـا ضـدك وتلجـأ لربنـا وحده وتصبـر وانـت راضــى يبقـى يا بختـك .. لما تخسـر مشـروع او تفشـل فى دراسـة وتـقف مع نفسـك وتجدد الثقـة فى نفسـك وتبدأ من جديد وانت صـابر وراضـى يبقـى يا بختـك ..

طـيب هاقـولك على حـاجـه أجمــل .. الدنيـا كلهـا هاتحسـدك عليهـا وهاتبقـى فخـور جدااا انـك من الصـابرين :

عـارف لمـا تصبـر ده معنـاه ايــه :
اولاً: انـك محتـاج ربنـا ديمـا معـاك يحس بيك ويريح قلبك ويزيـل همـك وغمـك .. علشـان كده هـو قالك ( ان الله مـع الصـابريـن )

ثانيـاً: انـت محتـاج ربنـا يحبك ويقـربك منـه . ويابختـه بجـد اللى يخـلى ربنـا يحبـه . علشان كده هو قالك ( والله يحـب الصابـرين )

ثالثـاً: ان الله عـز وجـل هايديـك 3 خصـال .. والله يا جمـاعـة خيـر من الدنيـا وما فيهــا .. ( هايصـلى عليـك ويـرحمـك ويهـديك ) .. علشـان كده هو قالك ( وبشـر الصابـرين ..الذين اذا اصابتـهم مصيبـة قالو ان لله وان اليـه راجعـون ..اولئـك عليهـم صـلوات من ربهـم ورحمـة وأولئـك هـم المهتـدون ) ..

علشـان كـده لازم تعـلم نفسـك الصبـر والرضـى . مهمـا كان الألم فى قلبك صعـب والظروف قاسيـة عليـك .. معـلش استحمـل واصبـر وجاهـد نفسـك .. وخـلى عنـدك يقيـن ان كـل شـئ مخلوق فى الدنيـا خـلقه الله بقـدر وبترتيب وبحكمـه وحــده الذى يعلمهـا

ولذلك يقـول حبيبـك النبـى صـلى الله عليه وسـلم فى الحديـث الذى رواه البخارى ومسـلم ( ومن يتصبر يصبره الله، وما أعطي أحد عطاء خيراً وأوسع من الصبر )

واختـم بكلمات رائـعة لسيدنا عمـر بن عبد العزيز يقـول فيهـا:
(ما أنعم الله على عبد نعمة فانتزعها منه فعوضه مكانها الصبر إلا كان ما عوضه خيراً مما انتزعه )

[برنس الفرات]

رووووووووعه الصبر مفتاح الفرج

[خلود]

شكرا لمرورك الجميل يابرنس ودايما تعطر صفحاتى بردك ووجودك الرائع

[fagrmasr01]

يارب يكرمنا دايما بالرضا بقضائه وقدره ويجعل قلوبنا دايما من القلوب المؤمنة المطمئنة
الله ينور عليكى يا خلود

[اميرة حبى انا]

جميل الموضوع يا خلود
ربنا يباركلك