هل شايف عيوبك

[fagrmasr01]

غريب جدا .. موضوع فعلا محيرنى
ليه بعض الناس بينسوا عيوبهم وبيحاولوا يسيئوا لسمعة غيرهم بالباطل ..

مبيشوفوش العيوب اللى هم عارفين انها جواهم وبيحاولوا يتهموا انسان بعيوب هم من جواهم عارفين انها مش فيه .. لمجرد حب الظهور او حب الانتقام .. ولمجرد تشويه سمعة انسان بسبب غل فى داخلك او كراهية

وقد يفرح الشخص اللى بيحاول ينتقم .. بانتصاره على من يعاديه لسبب فى نفسه هو .. مع انه من جواه عارف انه ظالم .. وبينسى خالص ان المنتقم الجبار سبحانه موجود ..

ويقول الشاعر
عاجز الرأي مضياع لفرصتـه . . . . حتى اذا فاته امراً عاتب القدرا
مطروفة عيناه عن عيب غيره . . . . فان بان عيب من أخيه تبصرا

قد يكون الشخص التانى مفيهوش العيب اللى بتهاجمه انت بيه او فيه عيب صغير وانت تحاول تظهره وتكبره لمجرد انك تثبت انه انسان مش كويس وانك احسن منه .. وبتنسى خالص قدرة ربنا عليك

الظلم ظلمات يوم القيامة .. فانتبهوا ايها الظالمين ... فانتم لا تظلمون فى الحقيقة الا أنفسكم .. والمكر السيئ لا يحيق الا بأهله .. فتبصروا

هى مش شكوى من شخص .. هى صفة انتشرت بكثرة فى الفترة الاخيرة بين ناس كثيرة نفوسها ضعيفة زى ما انتشرت صفة الكذب والخداع ...

بصراحة الموضوع دا بافكر فيه كثير من فترة وحبيت تشاركونى فيه

[وردة الايمان]

ليه بعض الناس بينسوا عيوبهم وبيحاولوا يسيئوا لسمعة غيرهم بالباطل

تعرف ليه يا استاذ جمال ؟

لأن الأنسان اللى دايما بينقد غيره انسان اضعف من انه يواجه نفسه

وتشويه صورة اى انسان بقى شىء طبيعى جدا خصوصا من ناس ضعاف النفوس وبتكره تشوف اى نماذج كويسه اومتميزه عنها

نقد الغير وتشويه صورته دليل على ضعف الشخصية وعدم القدرة على مواجهة عيوبنا

موضوع مهم فعلا للمناقشه

[المتميز]

"حاسبوا أنفسكم قبل أن تحاسبوا "
قال الله تعالى: ( يَا أَيُّهَا الَّذِينَ آمَنُوا اتَّقُوا اللَّهَ وَلْتَنْظُرْ نَفْسٌ مَا قَدَّمَتْ لِغَدٍ وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ * وَلا تَكُونُوا كَالَّذِينَ نَسُوا اللَّهَ فَأَنْسَاهُمْ أَنْفُسَهُمْ ) [الحشر:18،19]. وقال تعالى: ( وَأَنِيبُوا إِلَى رَبِّكُمْ وَأَسْلِمُوا لَهُ مِنْ قَبْلِ أَنْ يَأْتِيَكُمْ الْعَذَابُ ثُمَّ لا تُنْصَرُونَ) [الزمر:54].

وقال سيدنا عمر بن الخطاب رضي الله عنه: (حاسبوا أنفسكم قبل أن تحاسبوا، وزنوها قبل أن توزنوا، فإن أهون عليكم في الحساب غداً أن تحاسبوا أنفسكم اليوم، وتزينوا للعرض الأكبر، يومئذ تعرضون لا تخفى منكم خافية).

هذا زماننا وقد ابتعد البعض عن تعاليم الدين واخذو يتسابقون في الدنيا وهي زائله.
زمن النهم والمصلحه والدنيويه
اشكر الاستاذ جمال علي الموضوع الرائع

[fagrmasr01]

وردة الايمان ...
المتميز ...

بارك الله فيكم .. شكرا لمروركم