للأعضـــاءفقط ..مهم جدا

[وردة الايمان]

اعضـــــاءمنتدانا الجميل

انا عارفه ان الموضوع ده هيكون نتيجته حاجه من اتنين

إما الغاء عضويتى من المنتدى

اوانى هروح مكان ....صعب ارجع منه تانى

المهم ....ربنا يستر

هى فكره جديده طبعا

بس ياريت تعجبكم

احنا هنعمل حاجه جديده جدا

وهى اننا هنعمل حزب للأعضاء

وده طبعا هيكون غير الحزب الحاكم قصدى حزب الأداره اللى بيتمثل فى الأداريين والمشرفين

والحزب ده هيتكون من خمس اعضاء ....اعضاء فقط

وهيكون من اهداف الحزب

حماية حقوق الأعضاء والتى تتمثل فى :

* منع حذف او تعديل اى موضوع او اشتراك لأى عضو من غير الرجوع للعضو واخباره ولو برساله خاصه

* عدم الغاء و حذف اى وسام من اى عضو دون اخبار العضو وتوضيح اسباب الحذف

عدم استخدام الوساطه او المحسوبيه داخل المنتدى يعنى اختيار الألقاب والأوسمه للمشرفين لابد ان يكون لها سبب يقتنع به الحزب

عدم وضع اى قانون جديد فى المنتدى وله تأثير مباشر على الأعضاء بدون استشارة الحزب فيه

* عند عمل المسابقات فى المنتدى لايتم اختيار الفائز الا بأستشارة الحزب ( لأن من المنطقى ان الحكم على اى عمل يكون برأى الأغلبيه مش برأى شخص واحد )

ما يمكن ان يفعله حزب الأعضاء

اذا تم اهمال حقوق الأعضاء واستخدم حزب الأداره سلطته فى الغاء اى قرار للحزب

فسيتم الآتى

عمل مقاطعه لكل مواضيع المنتدى وعدم المشاركه فيها

وتحريض باقى الأعضاء على تجميد اشتراكاتهم داخل المنتدى

يعنى هنكون حزب الأغلبيــــــــــــه

وعلى الحزب الحاكم قصدى حزب الأداره الآتى

السماح لحزب الأعضاء بعمل موضوع مستقل لعقد المؤامرات قصدى المؤتمرات الخاصه بالحزب

وده هيكون فى موضوع مستقل فى قسم المناقشات وهيكون تحت اسم ( مناقشات حزب الأعضاء )

2- عدم تجنيد اى عضو من اعضاء الحزب لصالح حزب الأداره

3- عدم التدخل فى المناقشات التى ستتم بين الأعضاء فى الحزب وعدم التسجيل بأسماء اعضاء للدخول فى المناقشات التى تتم فى الحزب

اذا تم الغاءهذا الموضوع او نقله الى مكان آخر هيكون

اعتداء واضح وصريح من النظام الديكتاتورى قصدى نظام الأداره على حقوق الشعب قصدى الأعضاء

والآن
اعضاءالحزب هما اول خمس اعضاءهيقوموا بالرد على هذا الموضوع وتقديم طلب الأنضمام

واذا كان هناك طلبات لأكثر من خمس اعضاء فسيتم عمل انتخابات نزيهه بين المشتركين واختيار خمسه فقط

على فكره الأعضاء لازم يكونوا مش اى اعضاء

يعنى اعضاء جامدين مش بيخافوا بسهوله ويعرفوا ازاى يخدوا حقهم

( بالقانون طبعا )

وسيظل هذا الموضوع لمدة اسبوع واذا لم يتم استكمال الأعضاء فى هذه الفتره
على الأداره الغاء الموضوع

ولكـــــــــــــــن
على ان يعـود مره اخرى للمناقشه

ويارب بعد الموضوع ده اقدر اشوفكم تانى
تقبلــــــــــوا تحياتى

[اميرة حبى انا]

هههههههههههههههههههههه
والله يا اختى انا مستنية اعرف رأى الادارة
اما نشوف
انا ماليش دعوة

[محمود التهامي]

ههههههههههههههههههههههههه
والله انتي عسل وموضوعك عسل ابيض قطفة أولى كمان

الفكرة في حد ذاتها جميلة جدا جدا لكن ليا شوية ملاحظات عليها
نشوف اراء باقي الأعضاء وليا رجعه تاني للنقاش

بس بجد
فرحتيني قوي

[الفارس]

هو ممكن يكون الموضوع حلو . . لكن للاسف ماعجبنيش

غير موافق بنسبه 100 % . . .

[fagrmasr01]

مع الأسف فكرة مش صح
لانها ضد فكرة تأسيس المنتديات عموما
وتؤدى الى تدمير المنتدى بتجزئته الى احزاب
خصوصا انهم خمسة .. من خمستاشر الف
الصح هو ان اى عضو فينا كلنا له نفس الحقوق ويقدر يقول .. والادارة عمرها ما كانت ضد مصلحة الناس .. الادارة هى احنا الناس
انا واحد من الناس كتير اختلفت مع نجوم من الادارة والمشرفين
وكانت الادارة دايما فى صف الحق والصح
ارفض الفكرة .. وكما قال فارس.. 100%