مساعدة

[نجلاء احمد]

ياجماعة انا ها استلم الارض بتاعتى يوم 6/6 ان شاء الله ياريت اللى استلم قبل منى يقولى اعمل اية
اروح الجهاز امتى
واخد معايا فلوس
ولا اية اللى بيحصل بالظبط
وشكرا ليكم

[عادل مبارك سيد]

يتوجهالمواطن إلى مقر الجهاز بالمدينة في اليوم المحدد بالجداول لاستلام الأرضإعتبارا من الثامنة صباحا ومعه ضامن يحمل بطاقة الرقم القومي
يستكمل الحاجز كافة الإجراءات دون الاعتداد باى توكيلات أو تفويضات للأقارب أو للغير كالآتى
التحقق من شخصية المالك من خلال الأمن
إعطاؤه رقم يتم التعامل بموجبه
المطلوب من المالكالإطلاع على بطاقة الرقم القومى للمالك والضامن
مع مندوب البنك يتم إستكمال الإجراءات من الضامن
إعطاء المالك خطاب موجه إلى الجهاز لتسليم الأرض وأصل + صورة من الإقرار رقم 1
مع مندوب الجهاز يقوم بالإطلاع على بطاقة الرقم القومى وأخذ صورة منها
يستلم خطاب البنك ( الأصل )
تسليم المالك صورة من الإقرار رقم 1 بعد توقيع المالك عليه
توقيع المالك على الإقرار رقم 2 وتسليمه صورة منه وهو خاص بالضوابط والشروط العامة وعنوان المراسلة
إعداد محضر إستلام الأرضبتدوين إسم المالك والتوقيع على المحضر وإعتماده وختمه بختم إدارةالمشروعات وتسليم المالك نسخة معتمدة ومختومة + كارت وصف لقطعة الأرضللذهاب بها إلى أرض المشروع لإستلام الأرض
تسجيل جميع بيانات المالك أولا بأول على الحاسب الآلى

تجميع السادة الملاك بعد الإنتهاء من إستلام إخطار التخصيص وركوب أتوبيس مخصص من الجهاز للذهاب لأرض المشروع
فى سرادق بموقع المشروع يتممعاينة وتسليم المالك قطعة الأرض المخصصة له طبقا لكارت الوصف والتأكيدعلى كل قطعة بها عدد 4 زوايا حديد فى أركان القطعة
التأكيد على معاينة المالك لقطعة الأرض على الطبيعة معاينة نافية للجهالة
ركوب الإتوبيس للعودة إلى مقر الجهاز
دفع رسوم الجسة لإحدى الجامعات الأهلية والموجود مقرها بالجهاز أو مسئولى الجهاز
يمنح المواطن ثلاثة شهور للبدء في البناء من تاريخاستلامالأرض وسيتم تسليمه ملفا يحتوى على الرسومات التنفيذية ورخصة البناء وذلك بعد اسبوع مناستلامالأرض
والمستندات المطلوبة للترخيص خلال شهر من إستلام الأرض
طلب استخراج ترخيص بناء
صورة من إخطار التخصيص
صورة من محضر إستلام الأرض مع إحضار الأصل للإطلاع عليه + كروكى الأرض
صورة من بطاقة تحقيق الشخصية ( الرقم القومى ) مع الإطلاع على الأصل
تقرير ميكانيكا التربة والأساسات وجهد ومنسوب التأسيس (الجسة )
شهادة إشراف على الأعمال منمهندس نقابى معتمد من نقابة المهندسين + صورة صفحة السجل الهندسى للمشرفمع الإطلاع على الأصل و توفرها جمعية ابنى بيتك ب250 جنيه فقط
عدد 3 نسخ من الرسومات الهندسية الكاملة (معمارى – إنشائى – صحى – كهرباء ) مقاس a3
سداد قيمة الترخيص وهى 300 جنيه للأرضى أو 375 للأرضى والأول أو 450 جنيه للأرضى وأول وثانى
ثم يتسلم المخصص له الأرض ملف يحتوى على الرسومات التنفيذية ورخصة البناء
يتم تسليم الرخصة بالبطاقةويكون معك الايصال الاحمر وصورة قرار التخصيص ومحضر الاستلام وصورةالبطاقة من أجل التقديم للمياه 450 جنيه+ 2ج دمغة+ 200ج إذن حفر

وبعداستلامالرخصة يتم دفع مبلغ 200 جنيه إذن حفربخصوص طلب تعديل الرسومات بمعرفة صاحب الشأن
-1-تقديم رسومات هندسية معتمدة من مهندس مصمم ويتمالاطلاع علي السجل للمهندس وتكون الرسومات من 1/50 مع الالتزام بالردودوالواجهات الخارجية و التشطيبات الخارجيةالمطلوب لتعديل الرسومات الحصول على 3 نسخ

للصحى و الكهرباء و تسليح الاعمده و السقف و الكمرات و الاساسات و المسقط الافقى للدور الارضى و الاول و الثانىو توفرها جمعية ابنى بيتك ال3 نسخ ب150 جنيه فقط
- 2-بعد مراجعة الرسومات سيتم اصدار خطاب لصاحب الشأنلمراجعة المشروع لدى احد المكاتب الاستشارية المعتمدة للهيئة بالقرارالوزارى رقم 401لسنة98 مع موافاتنا بتقرير كوارث من جمعية ابنى بيتك بأنالرسومات مطابقه للكود المصرى و تتحمل الكوارث و الزلازلو معتمده من نقابة المهندسينو توفره جمعية ابنى بيتك للمستفيدين ب 350 جنيه
- 3-يتم سداد الرسوم المقررة
- 4-يتماستلامالترخيص بعد48 ساعة من سداد الرسومثم تبدأ الحفرو البناء
عادل مبارك سيد
المنطقه السابعه
قطاع ر 173

[mmhossny]

على فكرة هذه رسالة اتت الى من شخصية محترمة وليست من عندى

الى من يهمه الامر

تتواجد الساعةالثامنة صباحا في الخيمة الموجودة خارج مبني الجهاز مباشرة ومعاك
أولا : ملفالمستندات العام (( الاوراق الخاصة بك من صور للبطاقة وبطاقة الضامن و... ))
ثانيا : ملف أبني بيتك .... لا يوجد به حتي الأن سوي الجوابالذي أرسل لك
واذا كان ضاع .... مفيش مشكلة
رقم الأستمارة يكفي
وتقدرتعرفه من موقع الوزارة ان شاء الله
ثالثا : ضامن (أي حد يعرفك وممكن طبعا الأقارب) ولازم يكون معاه بطاقته الشخصية وعدد صورتينمنها
رابعا : مقياس (متر شريط 30 متر) .... وده ممكن تشتريه قبلها بيوم من أيمحل حدايد وبويات

خطوات الأستلام
أولا : خد رقم وأنت داخلالخيمةعلي ايدك اليمين
ثانيا : عندما يحين دورك ستتجه مع الضامن الي موظف البنك (علي ايدك الشمال جوه خالص) وبعد ما يمضيك علي شوية ورق خاص بأقساط البنك .... ضعالورق اللي حاتخده منه في ملف أبني بيتك
ثالثا : تتوجه الي موظفين الجهاز (عليايدك اليمين جوه خالص) و اثناء امضاءك علي شوية ورق منهم ..... أبعث الضامن للخزينةداخل حرم الجهاز لدفع ثمن نصف متر الأرض الزيادة
بعد ما تسلم موظفين الجهاز أصلالوصل ..... حيسلموك خريطة عامة للموقع وموقّع عليها مكان أرضك وكذلك مذكور عليهانوع النموذج ولونه
وطبعا أي ورقة أو وصل أو حتي صورة وصل .... تحطها في ملف أبنيبيتك

رابعا : بعد أنتظار سيُعلنوا عن تحرك أتوبيس الجهاز للأستلام الفعليللأرض
ممكن تركب معاهم وممكن تتحرك بسيارتك خلفهم

خامسا : عندما تصللأرضك ..... بأستخدام (المتر الشريط) قم بعمل قياس لأبعادها نفسها
وكذلك أبعادهامن أقرب بالوعتين يمينها وشمالها
سادسا : في نفس يومأستلامك للأرض .... أدفع مقدم لأي شركة تثق فيها لعملشهادةالجسة

سابعا : وأنت ماشي ..... أشتري من الكشك الموجود خارج الجهاز ملفتراخيص وثمنه تقريبا 7.5 جنيه

ثامنا: أستلامك لشهادة الجسة بعد كذايوم
وطبعا نصورها ونحطها في ملف أبني بيتك

في إشاعةقوية بتقول أن التقديم علي التراخيص لازم يكون بعد 21 يوم من إستلامالأرض

علي العموم .... إسئلأي موظف هناك وهو هيقولك

التقديم علي التراخيص
ملاحظة هامة جدا : أيمستند خصوصا وصلات الفلوس تكون مصوّره صورتين

أولا : التوا جد مبكرا جدا جدا (7.30 صباحا) في الجهاز في منطقة التراخيص
وده موجود في أخر الجهاز منالخلف

ثانيا : خد رقم من الأمن علي ايدك اليمين

ثالثا : أقرأ عليايدك الشمال ... المستندات المطلوبة للتراخيص
جهّزها واملأ الأوراق المطلوبة منملف التراخيص اللي أنت أشترته وأنت مروّح يوم أستلام الأرض

رابعا : عندمايحين دورك .... توجّه للشباك وسلّم الموظف أوراقك

خامسا : توجّه للمراجعة فيالدور الثاني .... حتمضي لك الموظفة علي ورقة (اذن الدفع) اللي أخذتها من موظفالتراخيص

سادسا : توجّه للخزينة لدفع مبلغ 650 جنيه ثمن تراخيص بناء (أرضيوأول وثاني) + تأمين حفر

سابعا : أرجع تاني لموظف التراخيص وسلم له أصلالوصل
وأحتفظ بالصورة في ملف أبني بيتك بعد تصويرها

ثامنا : وأنت خارج

تحت يافطة (المستندات المطلوبة للتراخيص) .... أستلم من المهندسة الرسومات الخاصةبالنموذج

تاسعا : هيقولوا لك علي ميعاد إستلام التراخيص

وإذا كنت ناوي تعمل تعديل .... أستغل هذاالمدة لعمل التعديل مع أحد المكاتب

وبعد أستلام التراخيص القديمة مباشرة .... ممكن تقدم علي التعديل الجديد في الشباك اللي جنبه

بشرط إن المكتب الهندسي هو اللي يقدم علي التعديل

عاشرا : في نفس اليوم توجّه لخيمة أبني بيتك اللي أستلمت الأرض منها
علي إيدك اليمين خلف الأمن .... أستلم ملف البنك وبه الفيزا

[نجلاء احمد]

شكرا ليكم يا جماعة على ردكم فعلا احرجتمونى بذوقكم

[misopop]

شكرآ يا جماعه على التوضيح وشكرآ يا نجلاء على طرحك للموضوع ده لآنى هاستلم يوم 6/6 وما كنتش عارف هاعمل ايه.
شكرآ لكم جميعآ