مافيش بنزين

[خلود]

مـَافـِيـش بـَنـزيـن



يـَاعـَربـِيـتـِي عـَلـِيـكـِي حـَزيـن
و قـَلـبـِي لـِلـسـقـُوط آيـِّل
دي كـَانـِّت عـِشـرَّه بـِيـنـَا سـنـِيـن

مـَابـِنـفـكـَرش فـِي فـَرامـِل
وروحـنـَا شـِمـَال و جـِيـنـَا يـِمـِيـن
ويـَامـَا عـَمـلـنـَا فـِي عـَمـَايـِّل
نـِشـُوف كـُوبـري نـروح طـَالـعـِيـن
ونـِنـزل لـَو طـَريـق نـَازل
يـَاعـَربـِيـتـِي بـِدمـع الـعـِيـن
خـَلاص بـِيـنـَّا الـغـَرام زايـِّل
خـَلاص هـُم يـَدوب مـِتـريـن

ويـِبـقـَى فـُراقـنـَا شـِئ حـَاصـِّل
وأرجـَع أمـشـِي ع الـرجـلـِيـن
وأحـَايـِّل فـِيـكـِي يـَامـَفـَاصـِل
وآهـُو الـمـشـوار أبـُو دقـِيـقـتـِيـن
قـَلـِيـلـُه ف سـَاعـَّه أكـُون واصـِل
هـَنـعـمـِّل إيـه؟ مـَافـيـش بـَنـزيـن
ف حـُكـم الـعـَسـكـَّر الـفـَاشـِّل
نـَصـيـبـِّك تـِبـقـِي م الـعـَاطـلـِيـن
و أنـَا زيـِّك أكـُون عـَاطـِّل
و طـُول مـَا الـظـَلـمـَّه دول حـَاكـمـِيـن
مـَافـِيـش بـِيـنـَا لـُقـَا واصـِّل
يـَافـَايـتـَانـِي عـَشـَان لـتـريـن
و رايـحـَّه لـغـِيـري بـالـبـَاطـِّل
قـُريـِّب الـشـبـَاب راجـعـِيـن
و عـَاجـِّل يـَعـنـِي أو آجـِّل
هـَجـيـب عـَربـِيـَّه لـِيـهـَا تـَنـكـِيـن
و أروح م الـجـِيـزه لـِلـسـَاحـِّل
طـَريـق الـثـَوره فـِيـه مـَاشـيـِّيـن
لـِغـَايـِّة لـِمـَا نـِتـقـَابـِّل
و يـِبـقـَى فـَرحـنـَا ف الـمـَيـَادين
مـَافـِيـش زيـُه فـَرح كـَامـِّل
و يـِصـبـَّح لـِلـمـرور قـَوانـِيـن
مـَاحـَدِّش فـِيـهـَا يـِتـجـَامـِّل
عـَقـِيـد الـشـُرطـَّه زي أمـِيـن
و زي الـبـِيـه أو الـعـَامـِّل
و يـِبـقـُوا الـكـُل مـتـسـَاويـِيـن
قـُصـَاد قـَاضـِي بـضـَمـِيـر عـَادل
و لـَو نـِفـسـُه أبـُو تـَمـَانـِيـن
يـِجـِيـب تـِسـعـِيـن يـِكـُون طـَايـِّل
مـَايـِفـضـلـش ف طـَابـُور سـَاعـتـِيـن
عـَشـَان جـَالـُونـِيـن و يـِتـحـَايـِّل
و بـَعـد يـَاعـِيـنـِي هـَد الـحـِيـل
يـِقـُولـُولـُوا مـَافـِيـش سـَايـِّل
تـَعـَالـَى تـَانـِي بـَعـد يـُومـِيـن
يـَجـُوز حـظـَّك يـِكـُون هـَايـِّل
و تـِمـشـِي حـكـُومـِّة الـعـَاجـزيـن
و تـِيـجـِي حـكـُومـَّه فـِيـهـَا راجـِّل
و مـَجـَلـِّس عـَسـكـَّر الـفـَاسـديـن
عـَلـَى الـثـَكـنـَات يـروح راحـِّل
و يـُحـكـُم مـَصـر مـَدنـيـِّيـن

عـَشـَان يـِتـعـدِّل الـمـَايـِّل
و تـِرجـَّع حـِلـوِّة الـحـِلـويـن
بـَلـدنـَا لـِلـِي يـِسـتـَاهـِّل

[محمود التهامي]

طيب بعيدا عن كلام الكاتب عن حكم العسكر
اللي اساسا انتهى من عهد محمد علي
ومفيش حاجه من وقتها اسمها حكم العسكر
اللا في العقول الفسفس اياها

وبعيدا برضو عن ان احسن ادارة ونظام في مصر هو النظام العسكري وادارة العسكريين
ودا واضح في كل مجال موجودين فيه
اللا قليلا

وبعيدا برضو عن ان ازمات البنزين شيء عادي وطبيعي في مصر
ومش جديد يعني عشان ننسبه للادارة العسكرية

وبعيد برضو عن الفيديو المتخلف
اللي فيه واحدة بتقول ان المجلس العسكري هو السبب في ازمة البنزين
لانه ملأ الطيارات بنزين عشان يجري بيها فوق ميدان التحرير في 25 يناير

واكيد برضو بعيد عن حاجات تاني كتير زي الاستغلال والزيطان في الزيطة
احب اقولكم ان اكتوبر مثلا مافيهاش ازمة والبنزين موجود
يمكن دا لانها بعيدة عن بؤرة الاحداث شوية
ومعندناش احتياج او طلب على المولوتوف مثلا
ههههههههههههههههههههههههه

رغم اني بصراحة شوفت بعض المحطات
بتحاول تفتعل ازمة وتستغل طلب الناس
بانها تاخد فلوس زيادة من كل واحد بيمون عربيته
بحوالي 5 او 10 جنيه فوق السعر الاساسي للبنزين وحتى السولار

وشوفت كمان ناس كتير بتمون عربيتها وهي فيها لسة 60 او 70% من سعة التانك
لمجرد انهم خايفين ما يلاقوش بعد كدا

[فريد]

الكلام جميل و رائع
و طبعا هاقول يسقط يسقط حكم العسكر
لانه هايسقط ان شاء الله
و ده ملوش دعوة بقى بالجيش و اسقاط الجيش
و الكلام الا ملوش لازمة
ولا هايودى و لا هايجيب
بس هاقول حاجة واحدة كمان
الازمات المفتعلة للبنزين عشان المولتوف
طيب و السولار و الغاز
انا اشتريت فى شهرين انابيب باكتر من 150 جنيه
و عمرها ماحصلت ايام المخلوع نفسه
الا كان اكبر مخترع للازمات
عشان نتلهى على عنينا
هو هو نفس المنطق و نفس الحاكم
و الحاجات دى بالعين الجردة مش محتاجة
فهيم عشان يفهم