بحور أشعارى
فى هواكى فرحتى وسعد أيامى
يحميكى رب العباد يا ملاك بأحلامى
وتعيشى دايماً فى قلبى يا فرحة
يا عروسة متزينة بى يالطرحة
يانور الفؤاد مليان بالوداد فى أنغامى
يا أغلى بسمة يانسمتى يا سر إلهامى
لما بأقول عنك دواوين و أغانى
أحلى الكلام يتكتب بأرق ألحانى
الاقى القلم يوصفك بحروفى وكلامى
وبنور عينيا أرسمك ياحبى وغرامى
تغريدة فوق السحاب انتى معناها
القلب طاير يرفرف ويغنى وياها
يانجمتى وفرحتى بالفصحى والعامى
حبك معاه إبتسامتى يا أمنى وسلامى
بحور أشعارى أصبحتى ليها بر أمان
ومهما أقول عنك فى القلب لسا كمان
يامصر ياجوهرة فوق الجبين ياورد ع الاغصان
يحميكى ربى من أعاديكى وفى رباط طول الزمان
رد مع اقتباس
المشاركة الأصلية كتبت بواسطة اميرة حبى انا
المفضلات