توب الفرحة والكفن

**fagrmasr01** · 10-01-2012, 01:32 PM

غزلت توب الفرح .. بالورد زينته
ولما قلبى انجرح .. بأكفانى بدلته
اتارى مفيش فرق بين الكفن والتوب
الاتنين ليهم زفة .. وكله قدر مكتوب

**fagrmasr01** · 10-01-2012, 01:33 PM

مشيت فى الزحمة .. بأهنى وأبارك
وأضحك الى من حضر ومين شارك
لقيت ف عيونهم الدمع والأحزان
أتارى دا يوم وداعى فى الأكفان

**fagrmasr01** · 10-01-2012, 01:34 PM

همست لكن همستى ضاعت وسط الزحام
سألت ليه قلوبهم حزانى فيها دموع والام
قالوا فراق حاتطول أيامه ما أصعب الأيام
قدمت العزا ومشيت اتاريه عزايا يا كرام

**fagrmasr01** · 10-01-2012, 01:35 PM

كان نفسى اكتب كتير عن بهجة الأفراح
وأقول لقلبى وعقلى يهدا فى يوم يرتاح
لكن معلش لما صمتى يكون ع الجراح
لسا باعيش ع الأمل ولكل عتمة صباح

**fagrmasr01** · 10-01-2012, 01:36 PM

أكتب ياقلم من غير ما حد يقرالك
ولا يحس الكون فى يوم بأحوالك
وحيد حبيبك بعيد وتتمنى لو جالك
وحزن يوم الفراق سيطر على بالك

الموضوع: توب الفرحة والكفن